Načalnik hałoŭnaha śledčaha ŭpraŭleńnia SBU Vasil Voŭk zajaviŭ, što arhanizacyi «Ukrainskaja paŭstanckaja armija», jakaja ŭziała na siabie adkaznaść za šerah rezanansnych zabojstvaŭ u Kijevie, u pryvatnaści, eks-nardepa Aleha Kałašnikava i žurnalista Alesia Buziny, nie isnuje.
Pra heta jon skazaŭ u efiry «5 kanała».
«Adnosna «Ukrainskaj paŭstanckaj armii: vielmi hučnaja nazva, absalutna «fejkavaja» infarmacyja, arhanizacyja i ludzi. U nas nie zarehistravanaja takaja arhanizacyja», — skazaŭ Voŭk.
Pavodle jaho słoŭ, SBU na pastajannaj asnovie manitoryć infarmacyju adnosna ŭsich radykalnych ruchaŭ i arhanizacyj va Ukrainie.
«U nas isnuje departamient abarony nacyjanalnaj dziaržaŭnaści, jaki na pastajannaj asnovie vyvučaje prablemy radykalizmu (pravaj ci levaj skiravanaści), siektanctva, inšych pytańniaŭ, jakija niasuć u sabie pahrozu dla žyćcia i zdaroŭja ludziej albo dziaržavy», — skazaŭ jon.
Jon taksama paviedamiŭ, što SBU praviała ekśpiertyzu lista ad «Ukrainskaj paŭstanckaj armii» palitołahu Fiasienku.
«My praviali ekśpiertyzu hetaha tekstu, i pa vynikach hetaj ekśpiertyzy, tam niama ŭkrainstva, kali kazać pra pravy radykalizm», — dadaŭ Voŭk.
Raniej palitołah Uładzimir Fiasienka zajaviŭ, što atrymaŭ pa elektronnaj pošcie list z zajavaj na ŭkrainskaj movie ad niejkaj «Ukrainskaj paŭstanckaj armii», u jakim jana biare na siabie adkaznaść za zabojstva šerahu palityčnych i hramadskich dziejačaŭ va Ukrainie, u pryvatnaści, Aleha Kałašnikava i Alesia Buziny.
Kamientary