Na sustrečy ŭ Jerevanie ŭ piatnicu, 24 krasavika, prezident Rasii Uładzimir Pucin i prezident Francyi Fransua Aland abmierkavali pytańnie pastavak «Mistralaŭ», a taksama zakranuli situacyju va Ukrainie i praces vykanańnia minskich damoŭlenaściaŭ.
«Z prezidentam Alandam adbyłasia dosyć praciahłaja i vielmi hruntoŭnaja razmova, — adznačyŭ pres-sakratar rasiejskaha lidera Dźmitryj Piaskoŭ. —
«Mistrali» taksama zakranalisia, u dadzienym vypadku nijakich prablem niama».
U dačynieńni da situacyi va Ukrainie, kiraŭniki dziaržaŭ zakranuli pytańnie pryciahnieńnia ZŠA da pieramovaŭ u «narmandskim farmacie».
U cełym, padkreśliŭ jon, u chodzie pieramovaŭ «była adznačana nieabchodnaść niedapuščeńnia dehradacyi vielmi bahatych z punktu hledžańnia roznych vymiareńniaŭ dvuchbakovych francuzska-rasijskich adnosinaŭ».
Aland, kamientujučy vyniki sustrečy z Pucinym, zajaviŭ, što rašeńnie pra los viertalotonoscaŭ «Mistral» pakul nie pryniataje.
Pry hetym infarmavanaja krynica Reuters adznačyła, što Rasija i Francyja ŭ bližejšy čas skasujuć kantrakt na pastaŭku «Mistralaŭ». Krynica TASS u dypłamatyčnych kołach, u svaju čarhu, zajaviła, što ŭ Maskvie ličać prymalnaj sumaj niaŭstojki paŭtara miljarda jeŭra.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary