Biełaruś abjadnaje pašpart z prajaznym i bankaŭskaj kartkaj
Intehravanaja servisna-raźlikovaja kartka moža źjavicca ŭ Biełarusi ŭžo ŭ 2019 hodzie.
Adzinaja elektronnaja kartka i servisna-raźlikovaja sistema dla Biełarusi raspracavanaja na ŭzroŭni kancepcyi, paviedamlaje BiełaPAN.
Dyrektar departamienta infarmatyzacyi Minsuviazi Michaił Čaščyn vykazaŭ spadzieŭ na toje, što sistema źjavicca ŭ Biełarusi ŭžo ŭ 2019 hodzie. Siońnia šukajucca srodki dla realizacyi kancepcyi.
Kartka budzie ŭtrymlivać sistemy apłaty, pašpartnyja źviestki, infarmacyju pa strachavych, piensijnych, miedycynskich, transpartnych i inšych pasłuhach.
Miarkujecca, što hramadzianin sam budzie abirać, jakija pasłuhi zanieści ŭ kartku. Sama kartka budzie płatnaj.
U raspracoŭcy kartki ŭziali ŭdzieł Minsuviazi, Minekanomiki, MUS, AAC i nienazvanyja hramadskija abjadnańni.
Padobnyja prajekty paśpiachova dziejničajuć za miažoj. Naprykład, estonskaja ID-kaart vydajecca z 2002 hoda. Jana vykonvaje funkcyi pašparta ŭ ES (paralelna estoncy majuć papiarovy pašpart), prajaznoha ŭ Talinie i Tartu, a taksama dazvalaje pakidać elektronna-ličbavy podpis. Apošniaje daje mahčymaść rehistravacca jak na elektronnych parłamienckich vybarach, tak i na šerahu zvyčajnych sajtaŭ i forumaŭ.
Tym časam ź inšym prajektam infarmatyzacyi Biełarusi, pierachodam na elektronny dakumientaabarot, dahetul jość prablemy, pryznaŭ Čaščyn. Padklučyć usie dziaržorhany i dziaržarhanizacyi da elektronnaha dakumientaabarotu płanujecca ŭžo ŭ hetym hodzie, a za nievykanańnie płanu praduhledžanaja adkaznaść.
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB5
Kamientary