Novym prezidentam Polščy, miarkujučy pa ŭsim, stanie kandydat ad najbujniejšaj apazicyjnaj partyi «Prava i spraviadlivaść» Andžej Duda.
Aficyjna Maskva pakul abrańnie Dudy nie kamientuje, reakcyja, mabyć, budzie paśla abviaščeńnia kančatkovych vynikaŭ. Adnak užo ciapier z nahody vybaraŭ u Polščy vykazvajucca rasijskija zakanadaŭcy. U cełym, na ich dumku, asablivaha aptymizmu z nahody abrańnia Dudy rasijskamu boku adčuvać nie varta.
«Kali (abrańnie Dudy) źmienić (adnosiny Maskvy i Varšavy), to nie ŭ lepšy bok, uličvajučy, što jon naležyć da partyi bratoŭ (Kačyńskich), jakija ŭsiudy adroźnivalisia asabliva ahresiŭnym tonam ŭ dačynieńni da Rasii. Ja nie dumaju, što heta niešta źmienić u dobry dla nas bok», — skazaŭ pieršy namieśnik staršyni kamiteta Dziarždumy pa mižnarodnych spravach Leanid Kałašnikaŭ.
«Dla nas było b lepiej, kali b Kamaroŭski zastaŭsia», — dadaŭ deputat.
U svaju čarhu, kiraŭnik Kamiteta pa mižnarodnych spravach Savieta Fiederacyi Kanstancin Kasačoŭ taksama vykazaŭ mierkavańnie pra toje, što źjaŭleńnie na čale Polščy takoha lidara, jak Duda, ničoha dobraha rasiejska-polskim adnosinam nie abiacaje, adnak situacyja moža źmianicca.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?1
Kamientary