Chočacie addać dzicia ŭ biełaruskamoŭny sadok? Źviartajciesia siudy!
Hrupa aktyvistaŭ dapamahaje baćkam znajści biełaruskamoŭny sadok ci samaarhanizavacca.
«Da nas źviartajucca i baćki dziaciej, jakim iści ŭ sadok tolki praz hod-paŭtara, i tych, jakija ŭžo chodziać u sadok, i tyja, chto choča źmianić miesca žycharstva, — kaža aktyvistka kampanii Volha Kavalkova. — Stvareńnie biełaruskamoŭnaj hrupy — heta składany praces, i časta ŭ baćkoŭ apuskajucca ruki. My prapanujem dapamohu, ale patrebny ćviordy namier baćkoŭ, bo naša inicyjatyva bieź ich prosta niepatrebnaja. Zakanadaŭča nidzie nie prapisana kolkaść dziaciej dla stvareńnia biełaruskamoŭnaj hrupy ŭ sadku, chopić i adnaho čałavieka. Adnak sadki adkazvajuć, što ŭ ich niama mahčymaści ci pierakładajuć ułasnyja abaviazki na baćkoŭ: sabrać achvotnych, znajści vychavaciela».
Arhanizavali dapamohu chryścijanskija demakraty i Tavarystva biełaruskaj movy. Z pytańniami možna źviarnucca praz telefon (025) 538-40-59 ci napisać na elektronnuju skryniu [email protected].
Kamientary