Za banknotu 5 000 biełaruskich rubloŭ znoŭ hatovyja zapłacić vialikija hrošy
U kancy kastryčnika na biełaruskaj internet placoŭcy AY.BY adbylisia tarhi, jakija atrymali hramadski rezanans. Za biełaruskuju banknotu naminałam 5000 rubloŭ sieryi AH kalekcyjaniery byli hatovyja zapłacić 1580$, paźniej hetaja banknota była pradadzienaja na rasijskim aŭkcyjonie za 2092 $.
Niekalki dzion tamu na biełaruskim internet-aŭkcyjonie była vystaŭlena na tarhi piataja viadomaja banknota 5000 rubloŭ sieryi AH. Za dva dni staŭki za hetuju banknotu dasiahnuli ŭžo 10 miljonaŭ rubloŭ, piša belbonistica.com.
Charakterna, što biełaruskija banknoty kalekcyjanujuć nie tolki pa sieryjach, ale i pa raznavidnaściach. U banknotaŭ rańnich sieryj (jakija byli ŭviedzienyja ŭ zvarot niepasredna ŭ 2000 hodzie) isnuje dźvie raznavidnaści pa kirunku achoŭnaj stužki ŭnutry banknoty. Achoŭnaja stužka z nadpisam NBRB moža raźmiaščacca ŭ banknocie albo źnizu ŭvierch, albo źvierchu ŭniz. Dla bolšaści ludziej heta nie maje zusim nijakaha značeńnia, ale dla kalekcyjanieraŭ heta vielmi važnaja prykmieta.
Banknota, za jakuju ciapier iduć tarhi, u niejkim sensie navat bolš redkaja, čym pieršy pradadzieny asobnik.
Ź piaci viadomych asobnikaŭ banknoty 5000 rubloŭ sieryi AH, tolki adna banknota dakładna maje napramak achoŭnaj stužki źvierchu ŭniz (jana ciapier i pradajecca). 2 ekzemplary majuć napramak achoŭnaj stužki źnizu ŭvierch, 1 ekzemplar pradstaŭleny pałovaj banknoty (toj u jakoj stužki niama), jašče ŭ adnym ekzemplary napramak achoŭnaj stužki nieviadomy.
Naohuł redkich biełaruskich banknot niašmat. Bolšaść banknot (u tym liku i redkich) majuć kalekcyjnuju kaštoŭnaść tolki ŭ biezdakorna novaj zachavanaści (UNC) — atrymać takuju banknotu na zdaču niemahčyma.
Ale akramia 5000 AH jość jašče 7 biełaruskich banknot, jakija zacikaviać kalekcyjanieraŭ i ŭ pakamiačanym stanie:
1000 rubloŭ 2000 sieryja ČŁ
10000 rubloŭ 2000 sieryja RZ
500 rubloŭ 2000 sieryja Me
500 rubloŭ 2000 sieryja Če
10 rubloŭ 2000 sieryja ŁT
20 rubloŭ 2000 sieryja Kh
Košt hetych banknot u prymalnym stanie ad 50.000 da 200.000 rubloŭ.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary