Novy feljeton z błohu Lolika Uškina.
Uviadzieńnie prafiesijna-psichičnych testaŭ dla abituryjentaŭ, łahična viadzie da taho, što niechta test nie projdzie. Adsiul - ź jaŭleńnie ŭ krainie masavaj armii psichična chvorych - "nieprafiesijnyja psichi". Svajo zabojnaje słova maje skazać ajčynnaja farmakalohija.
Apteka
Klijent: dobry dzień, možacie niešta paraić ad nieprafiesijnaha psichozu?
Aptekar: jakija simptomy?
Klijent: abituryjent ja. Učora hladzieŭ prafiesijna-psichałahičny test minułaha hodu. Bajusia zavalu. Naprykład tam była zadača, dzie treba vykreslić z naboru słoŭ adno słova, jakoje nie adpaviadaje łahičnamu sensu dadziennaj słoŭnaj hrupy: "sacyjalnyja harantyi, vialikija zarobki, Biełaruś, rost dachodaŭ, hiel dla duša, prahrama piacihodki".
Aptekar: nu i?
Klijent: ja dumaju, što treba vykreslić "Biełaruś".
Aptekar: tryvožna? Vy mahčyma jašče Nivu vypisvajecie, i na akcyi apazicyi šviedajeciesia?
Klijent: nu tak. časam.
Aptekar: supiersrodak - SBbanki. Voś racept: ustupajecie ŭ siabry BRSM, stavicie na nač SBanki i nieprafiesijny psichoz jak rukoj zdymie. Košt banki - 34 000 rubleŭ . Ja vam tak skažu - abo pryjmajecie leki zaraz, abo praz paru hadoŭ - da doktara Chadorkina, kab zakadziravaccca ad čytańnia niezaležnaj presy.
Klijent: A jašče niešta?
Aptekar: śpiešał for ju. Kantrabandny tavar - "Čyrvonaja zialonka". Sposab užyvańnia vielmi prosty: ustupajem ŭ siabry BRSM, mažym rajon levaha kalena, i nieprafiesijny psichoz jak rukoj zdymie. Košt - 45 000 zajčykaŭ .Ja vam tak skažu - abo pryjmajecie leki zaraz, abo praz paru hadoŭ prachodzicie kurs psichaanalizu. Vam achvota lažać na kanapie pierad niejkim Frojdam i adpaviadać na idyjockija pytanii kštałtu: ci padabajucca vam baradatyja mužčyny?
U hety čas ŭ apteku ŭ vachodzić typ bamžoŭskaha vyhladu.
Bomž: kali łaska piać puzyrkoŭ srodku "Nastojka na Savieckaj Biełarusi". U brateły vostry prystup nieprafiesijnaha psichozu. . Doktar, davajcie chutčej, brat zahibajecca. Kali nie vyṕje nastojki, to znoŭ nie pastupić na dypłamata. Jon ža tak choča pravodzić šmatviektarnuju palityku!
Aptekar: Jak tyja narkamany i ałkašy dastali! Na, padavisia.
Klijent: ładna davajcie "Čyrvonuju zialonku". Harantujecie, što dapamoža?
Aptekar: naturalna: hałoŭnaje dziejničać adpaviedna instrukcyi: pierad užyvańniem nie zabudcie padać zajavu ŭ BRSM.
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary