Polšča i krainy Bałtyi vitajuć takoje rašeńnie.
Dla strymlivańnia vierahodnaj rasijskaj ahresii ŭ Jeŭropie śpiecyjalisty abaronnaha viedamstva ZŠA prapanujuć adpravić u niekalki krain Bałtyi i Uschodniaj Jeŭropy tanki, bajavyja mašyny piachoty i inšuju ciažkuju techniku, a taksama da piaci tysiač sałdat.
Pra heta piša The New York Times sa spasyłkaj na ŭłasnyja krynicy va ŭradavych kołach.
«Kali rašeńnie budzie pryniata, upieršyniu z kanca chałodnaj vajny Złučanyja Štaty dysłakujuć ciažkuju vajennuju techniku ŭ novych krainach-siabrach NATA ŭ Uschodniaj Jeŭropie, što niekali byli častkaj savieckaj śfiery ŭpłyvu», — piša vydańnie.
The New York Times cytuje byłoha kamandujučaha abjadnanymi siłami NATA ŭ Jeŭropie admirała Džejmsa Staŭrydzisa, jaki nazyvaje padobnyja idei «vielmi značnymi źmienami ŭ palitycy, jakija majuć metaj supakoić «pierapałochanych sajuźnikaŭ».
Vydańnie piša, što hetyja prapanovy patrabujuć zaćviardžeńnia ministra abarony ZŠA Eštana Kartera i prezidenta ZŠA Baraka Abamy.
Administracyja Abamy da hetaha času razvažaje nad rašeńniem adnosna pradastaŭleńnia Ukrainie abarončaj zbroi. Takuju prapanovu padtrymali abiedźvie pałaty Kanhresu ZŠA.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ4
Kamientary