Eks-prezident Hruzii, a ciapier kiraŭnik Adeskaj vobłaści Michaił Saakašvili pravioŭ naradu z «siłavikami». Hałoŭnaj jaje temaj była praca prakuratury. Saakašvili pryvioŭ prykład, kali pradprymalnik źbirajecca zrabić paromnuju pierapravu ŭ Rumyniju, jakaja patrebnaja horadu, a prakuratura jaho ŭžo papiaredžvaje.
«Funkcyja prakuratury pałochać inviestara adrazu paśla jaho prychodu? — zapytaŭsia ŭ prysutnych Saakašvili. — Heta nazyvajecca rekiet, darahi moj. Bandytyzm!… Pieršaje, što jon atrymlivaje ad pravaachoŭnych orhanaŭ — pryšlicie mnie dakumienty, tamu što ja vas pavinien paśla pasadzić. Heta nazyvajecca bandytyzm!»
Kiraŭnik vobłaści zapatrabavaŭ, kab prakuratura pierastała teraryzavać biźnies.
«Bačyŭ ja takich prakuroraŭ i bačyŭ ja ich paśla ŭ turmie, darečy!» — skazaŭ Michaił Saakašvili adnamu z prysutnych prakuroraŭ. Jon padkreśliŭ, što nie źbirajecca ciarpieć rekieciraŭ z prakuratury: «Ci narod Ukrainy, ci bandyty».
«Ja byŭ na vulicach. Usie skardziacca na pabory, karupcyju žachlivuju. Chto abaraniaje zvyčajnaha čałavieka? Nichto! Ci my pracujem inakš, ci ja abjaŭlaju ŭsim takim słužbovym asobam vajnu!» — papiaredziŭ Saakašvili.
Jon, praŭda, pryznaŭ, što jość u siłavych strukturach, prakuratury i šmat sumlennych supracoŭnikaŭ. Ale inakš pracavać treba ŭsim.
«Davajcie my i biźniesmieny budziem sačyć za prakuraturaj. Davajcie my pačniem pravierku prakuratury i inšych orhanaŭ. Davajcie my budziem prakuraturu kantralavać. I pahladzim, chto kaho pierakantraluje. My paśla Majdana, chłopcy!» — zajaviŭ kiraŭnik Adeskaj vobłaści na zhadanaj naradzie.
Kamientary