U piatnicu ŭ efiry kanała «Rasija-1» Uładzimir Žyrynoŭski, jaki ličycca nieaficyjnym ruparam Kramla, zrabiŭ hučnuju zajavu.
Tak, pavodle palityka, «ekstremisty», što vajujuć na Danbasie, niasuć pahrozu Rasii niezaležna ad taho, jaki bok jany patrymlivajuć. Maŭlaŭ, paśla viartańnia na radzimu jany niepaźbiežna stanuć «pakryŭdžanymi» kryminalnikami.
«Lubyja mužčyny, jakija napilisia kryvi, jakija paranienyja byli, častka ź ich papoŭnić šerahi kryminalnych struktur. Tamu — skažu pa-bluźniersku — Vašynhtonu, Brusielu, Kijevu i Maskvie pažadana, kab vajna praciahvałasia, kab jany zabili adzin adnaho, ekstremisty», — skazaŭ Žyrynoŭski.
Kamientary