Namieśnik staršyni PA ABSIE sustreŭsia z pradstaŭnikami kamand patencyjnych kandydataŭ u prezidenty
Namieśnik staršyni Parłamienckaj asamblei ABSIE Kient Charsted 2 lipienia ŭ Minsku abmierkavaŭ pieradvybarnuju situacyju ŭ Biełarusi z pradstaŭnikami kamand patencyjalnych kandydataŭ u prezidenty na vybarach 11 kastryčnika.
Jak paviedamiŭ namieśnik staršyni Abjadnanaj hramadzianskaj partyi Leŭ Marholin, ź biełaruskaha boku akramia jaho ŭ sustrečy ŭdzielničali staršynia Biełaruskaj partyi levych «Spraviadlivy śviet» Siarhiej Kalakin, lidar kampanii «Havary praŭdu» Andrej Dźmitryjeŭ i pieršy namieśnik staršyni Libieralna-demakratyčnaj partyi Aleh Hajdukievič.
Marholin adznačyŭ, što Charsted užo nie pieršy raz naviedvaje Biełaruś, a tamu «niakiepska aryjentujecca ŭ situacyi». «Jamu, jak i mnohim u Jeŭropie, chaciełasia b u kantekście źmieny hieapalityčnaj situacyi va Uschodniaj Jeŭropie, źviazanaj z padziejami va Ukrainie, źmianić niejkim čynam uzajemaadnosiny Biełarusi i ES. Ale jon razumieje, što prosta tak heta zrabić niemahčyma, što patrebnyja kroki nasustrač z boku našaj krainy. Biełaruskija ŭłady zajaŭlajuć pra hatoŭnaść zrabić takija kroki. Nakolki hetyja słovy buduć adpaviadać dziejańniam, PA ABSIE źbirajecca nazirać padčas vybarčaj kampanii», — skazaŭ jon.
Pradstaŭniki biełaruskich palityčnych struktur rastłumačyli Charstedu, što, kali b va ŭładaŭ było žadańnie pravieści sumlennyja vybary, jany b ich užo praviali. «Pakul z boku ŭłady nijakich pazityŭnych sihnałaŭ u hetym kirunku niama», — ličyć Marholin.
***
Namieśnik staršyni PA ABSIE ŭžo pravioŭ sustrečy z namieśnikam ministra zamiežnych spraŭ Biełarusi Alenaj Kupčynoj, staršynioj Pałaty pradstaŭnikoŭ Uładzimiram Andrejčankam i jaho namieśnikam Viktaram Huminskim, kiraŭnictvam Centrvybarkama.
Ciapier čytajuć
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1616
Kamientary