Frantavy bambardziroŭščyk Su-24M paciarpieŭ krušeńnie ŭ Chabaraŭskam krai, dva lotčyki zahinuli.
Pra heta paviedamlaje rasijski «Interfaks» sa spasyłkaj na Minabarony RF.
«Samalot paciarpieŭ katastrofu pry ŭźlocie dla vykanańnia płanavaha vučebna-trenirovačnaha palotu ŭ rajonie aeradroma Churba (Chabaraŭski kraj). Pavodle dakładu ź miesca, abodva lotčyki zahinuli», — paviedamiła ministerstva.
Pavodle paviedamleńnia, samalot upaŭ u 14:35 ŭ biaźludnym rajonie, na ziamli razbureńniaŭ niama.
Paloty Su-24M u Rasii prypynili da vyśviatleńnia pryčyn katastrofy.
Ahienctva ŭ svaju čarhu sa spasyłkaj na svaju krynicu ŭ siłavych strukturach rehijonu paviedamiła, što pryčynaj katastrofy bambavika stała, chutčej za ŭsio, techničnaja niaspraŭnaść samalota.
«Pavodle papiarednich dakładaŭ ź miesca lotnaha zdareńnia, pryčynaj katastrofy bambavika stała admova techniki», — skazaŭ surazmoŭca ahienctva.
Ciapierašniaja katastrofa z Su-24M — heta ŭžo piataje lotnaje zdareńnie z bajavymi samalotami VPS Rasii na praciahu apošniaha miesiaca. Tak, u pačatku červienia na palihonie «Ašułuk» raźbiŭsia źniščalnik MiH-29, u Varoniežskaj vobłaści pry ździajśnieńni pasadki paciarpieŭ avaryju frantavy bambardziroŭščyk Su-34, u Pryamurji vykaciŭsia za miežy UPP i zhareŭ stratehičny rakietanosiec Tu-95, try dni tamu ŭ Krasnadarskim krai raźbiŭsia źniščalnik MiH-29.
Apošniaja katastrofa z bambavikom Su-24 adbyłasia ŭ lutym 2015 hoda u Vałhahradskaj vobłaści, abodva piłoty zahinuli.
Ciapier čytajuć
Jak u halečy śpivałasia radnia Łukašenki? Małaviadomyja fakty10
Kamientary