Z punktu hledžańnia KKD źniaćcie demakratyčnych pretendentaŭ z vybaraŭ u padtrymku vyłučeńnia Mikałaja Statkieviča małaefiektyŭnaje, zajaviŭ BiełaPAN lidar Abjadnanaj hramadzianskaj partyi Anatol Labiedźka.
Nahadajem, 29 červienia eks-kandydat u prezidenty, lidar stvaranaha ruchu «Za dziaržaŭnaść i niezaležnaść Biełarusi» Uładzimir Niaklajeŭ prapanavaŭ usim apazicyjnym pretendentam na prezidenckuju pasadu źniacca z vybaraŭ da pačatku rehistracyi inicyjatyŭnych hrup i padtrymać vyłučeńnie Mikałaja Statkieviča adzinym kandydatam ad demsił. Takoje rašeńnie jon nazvaŭ «adzina pravilnym jak z punktu hledžańnia palityki, tak i z punktu hledžańnia marali», a taksama «vyratavalnym dla apazicyi».
«Kali štaby Taćciany Karatkievič i Siarhieja Kalakina na prapanovu Niaklajeva adkazvajuć «tak», to ja, pryznajučy, što heta małaefiektyŭna, u rajonie nulavoj adznaki, hatovy heta padtrymać, — skazaŭ Labiedźka. — Kali jany skazali «nie», to i abmiarkoŭvać niama čaho. Davajcie pierahorniem staronku i pahladzim, jak praz hetuju kampaniju, naš realny ŭdzieł u joj my možam prapahandavać temu palitźniavolenych,
nie padzialajučy ich na bolej ci mieniej važnych. Liču, što ŭ papiarednija parłamienckuju i miascovuju kampanii my jak nichto inšyja zrabili šmat dla raskrutki i aktualizacyi temy palitźniavolenych».
Jak raniej paviedamlałasia, patencyjalny kandydat ad kampanii «Narodny refierendum» Taćciana Karatkievič i staršynia Biełaruskaj partyi levych «Spraviadlivy śviet» Siarhiej Kalakin, a taksama inšyja pretendenty na pasadu prezidenta nie padtrymali inicyjatyvu Niaklajeva. Karatkievič zajaviła, što nie padtrymaje hetuju prapanovu, pakolki pradstaŭlaje intaresy ludziej, jakija padpisalisia za praviadzieńnie refierendumu. Kalakin ža nazvaŭ inicyjatyvu Niaklajeva biessensoŭnaj prapanovaj. Lidar Libieralna-demakratyčnaj partyi Siarhiej Hajdukievič abvinavaciŭ Niaklajeva ŭ pijary. Kiraŭnik vybarčaha štaba biespracoŭnaha Juryja Šulhana Pavieł Kanavalčyk zajaviŭ, što toj nie budzie zdymacca z vybaraŭ, pakolki «Statkievič usio adno nie moža być zarehistravany kandydatam u prezidenty».
Kamientary