Biełaruś razhladaje ŭsie napramki dla raźvićcia supracoŭnictva z Čačnioj. Pra heta siońnia na sustrečy va ŭradzie z delehacyjaj Čačenskaj Respubliki RF paviedamiŭ namieśnik premjer-ministra Biełarusi Michaił Rusy.
«My razhladajem Čačenskuju Respubliku pa ŭsich napramkach supracoŭnictva. I heta adzin z bazavych składnikaŭ raboty našaj krainy na Paŭnočnym Kaŭkazie», — skazaŭ vice-premjer, adznačyŭšy, što adnačasova Biełaruś hatova pradastavić svaje mahčymaści dla čačenskaha biźniesu.
Pavodle słoŭ Michaiła Rusaha, bakam treba budzie prapracavać ekanamičny, sacyjalny i humanitarny siektary i vybudavać prahramu sumiesnych dziejańniaŭ, pakolki dvuchbakovy tavaraabarot vielmi mały. Jak adznačyŭ vice-premjer, dla jaho naroščvańnia nieabchodna pahłybleńnie ŭzajemnych suviaziej, u tym liku ŭ pramysłovaści, ahrapramysłovym kompleksie, naftachimičnaj halinie. Michaił Rusy źviarnuŭ uvahu, što Biełaruś hatova vybudavać rabotu pa stvareńni sumiesnych vytvorčaściej, u tym liku sielskahaspadarčaj i darožnaj techniki.
Namieśnik premjer-ministra ŭpeŭnieny, što krainy mohuć być karysnymi adna adnoj u halinie sielekcyi, nasieńniavodstva, žyviołahadoŭli. «U Biełarusi prapracavany davoli surjozny vopyt stvareńnia hłyboka madernizavanych vysokaefiektyŭnych małočnatavarnych fierm, kompleksaŭ», — padkreśliŭ jon.
U Biełarusi znachodzicca aficyjnaja delehacyja Čačenskaj Respubliki RF na čale z namieśnikam staršyni ŭrada Chasanam Chakimavym. U składzie delehacyi taksama pradstaŭniki niekalkich ministerstvaŭ, u tym liku ekanamičnaha, terytaryjalnaha raźvićcia i handlu, pramysłovaści i enierhietyki, sielskaj haspadarki.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii31
Kamientary