Kancler Hiermanii Anhieła Mierkiel, miarkujučy pa ŭsim, niekalki źmiakčyła svaju pazicyju ŭ dačynieńni da Hrecyi.
Napiaredadni samitu lidaraŭ jeŭrazony ŭ Brusieli lidar najmacniejšaj ekanomiki valutnaha sajuza adznačyła, što pahadnieńnie z Afinami moža być dasiahnuta ŭ bližejšyja dni, adnak padkreśliła, što dla atrymańnia novych kredytaŭ kraina pavinna ŭziać na siabie abaviazacielstvy pa reformach.
Raniej stała viadoma, što na praviedzienaj u aŭtorak u Brusieli naradzie ministraŭ finansaŭ krain jeŭrazony Hrecyja nie pradstaviła nijakich kankretnych prapanoŭ.
Kiraŭnik Jevrohruppy Jerun Dejsiełbłum paviedamiŭ, što Afiny nie pradstavili «nijakich kankretnych mier».
Krynica va ŭradzie Hrecyi zajaviła tym časam, što premjer-ministr Aleksis Cypras vystupić pierad Jeŭrapiejskim parłamientam u sieradu.
Taksama pavodle infarmacyi hrečaskich ŚMI, Cypras pravioŭ telefonnuju razmovu z prezidentam ZŠA Barakam Abamam. Jak pieradaje Rejter sa spasyłkaj na pradstaŭnika hrečaskaha ŭrada, amierykanski lidar vykazaŭ nadzieju na paśpiachovy vynik pieramovaŭ z kredytorami i na toje, što kraina zastaniecca ŭ jeŭrazonie.
Miž tym, lidar Hiermanii Anhieła Mierkiel była nastrojenaja bolš aptymistyčna za ŭdzielnikaŭ narady ministraŭ.
«Biez uzajemnaj adkaznaści niama nijakaj mahčymaści dapamahčy, biez uzajemnaj adkaznaści i reformaŭ niemahčyma dasiahnuć taho, što my chočam. Na samicie my budziem kazać pra toje, jak ruchacca dalej, ale pakul my nie zmožam zrabić nijakich peŭnych vysnoŭ. Ale ja prytrymlivajusia dumki, što heta sprava nie tydniaŭ, a niekalkich dzion», — skazała Mierkiel pierad samitam lidaraŭ jeŭrazony.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary