U Lvovie kala dvuch učastkovych punktaŭ milicyi adbylisia vybuchi. Paranienyja dvoje milicyjantaŭ, abodva znachodziacca ŭ ciažkim stanie.
Pra heta paviedamili va Upraŭleńni MUS ŭ Lvoŭskaj vobłaści.
«14 lipienia, kala 09:00 na 102 pastupiła paviedamleńnie ab tym, što kala adnaho z učastkovych punktaŭ milicyi ŭ Lvovie adbyŭsia vybuch», — adznačyli ŭ milicyi.
Adzin z vybuchaŭ prahrymieŭ, kali ŭčastkovy Šaŭčenkaŭskaha rajadździeła milicyi adkryvaŭ učastkovy punkt, jaki znachodzicca pa vulicy Płuhavaja, 8. U vyniku vybuchu ranieńni atrymaŭ 24-hadovy lejtenant milicyi, jaho špitalizavali ŭ balnicu z množnymi askiepkavymi ranieńniami hałavy i cieła, piša »Ukrainskaja praŭda».
Pavodle papiarednich dadzienych, vybuch prahrymieŭ u vyniku detanavańnia tak zvanaj «raściažki».
Užo praz hadzinu — kala 10:00 — prahrymieŭ jašče adzin vybuch la ŭčastkovaha punkta milicyi ŭ Šaŭčenkaŭskim rajonie Lvova, jaki znachodzicca pa vulicy Juryja Lipy, 45.
U vyniku vybuchu paciarpieła 31-hadovaja učastkovy inśpiektar Šaŭčenkaŭskaha rajadździeła milicyi. Paciarpiełaja špitalizavanaja.
Pravaachoŭniki vyśviatlajuć usie akaličnaści padziej. Raspačataja kryminalnaja sprava pa prykmietach kryminalnaha pravaparušeńnia, praduhledžanaha č.1 st.258 (terarystyčny akt) KK Ukrainy, paviedamlaje UNIAN.
Pradstaŭniki MUS Ukrainy vykazali zdahadku, što heta źviazana z padziejami ŭ zakarpackim Mukačavie, dzie ŭ vychodnyja adbyłasia stralanina pamiž «Pravym siektaram» i pravaachoŭnikami, jakaja pryviała da hibieli troch čałaviek, piša Bi-bi-si.
Adnak «Pravy siektar» zajaŭlaje, što nie maje dačynieńnia da sieryi vybuchaŭ: «Vidavočna, što vybuchi byli arhanizavanyja antyŭkrainskimi siłami. Adnak, uličvajučy toje, što kirujučy režym siońnia pačaŭ mahutnuju baraćbu, nakiravanuju na źniščeńnie «Pravaha siektara», možna mierkavać, što ŭ hetych aktach chulihanstva pačnuć vinavacić pradstaŭnikoŭ našaha ruchu», — havorycca ŭ zajavie.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary