«Naša Bejbi vydatna pačuvajecca»: słon, jaki zvaliŭsia na pakazie ŭ Mahilovie, praciahvaje vystupy
Słon pierasoŭnaha cyrka «Dziva», jaki zvaliŭsia 10 lipienia na pakazie ŭ Mahilovie, praciahvaje pracavać, paviedamili BiełaPAN u cyrku.
Padčas truka na vysokich tumbach dvuchmietrovy słon nie ŭtrymaŭ raŭnavahu i pavaliŭsia, ledź nie pryziamliŭšysia na naviedvalnikaŭ. Administracyja cyrka śćviardžaje, što žyvioła adčuvaje siabie dobra.
«Naša Bejbi (tak zavuć słana) vydatna siabie adčuvaje. U toj ža dzień jana viarnułasia da pracy, — paviedamili ŭ cyrku. — Usich, kaho tryvožyć los žyvioły, zaprašajem u park u Mahilovie. Prychodźcie z bananami, pahladzicie, jaki ŭ našaha słana dobry apietyt».
Pavodle słoŭ pradstaŭnikoŭ cyrka, heta pieršy vypadak padzieńnia słana za ŭvieś čas pracy. Jany ličać, što słon paśliznuŭsia i tamu pavaliŭsia. «U nas vielmi dobryja ŭmovy ŭtrymańnia žyvioł. My kormim i myjem ich na vačach u ludziej, ničoha nie ŭtojvajem. Padzieńnie słana nie źviazana ź jaho stomlenaściu», — zajavili ŭ administracyi.
Paśla Mahilova pierasoŭny cyrk płanuje pradoŭžyć hastroli, nastupny punkt — Viciebsk.
Pierasoŭny cyrk «Dziva» — prajekt byłoha hałoŭnaha režysiora Biełdziaržcyrka Sierža Bandarčuka.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary