Centrvybarkam na pasiadžeńni 17 lipienia zarehistravaŭ inicyjatyŭnyja hrupy pa vyłučeńni kandydatami u prezidenty dziejučaha kiraŭnika dziaržavy Alaksandra Łukašenki, a taksama Siarhieja Kalakina — staršyni Biełaruskaj partyi levych «Spraviadlivy śviet», paviedamlaje BiełaPAN.
Jak zajaviŭ na pasiadžeńni pradstaŭnik sakrataryjata CVK, dakumienty na rehistracyju inicyjatyŭnaj hrupy Alaksandra Łukašenki byli padadzienyja 14 lipienia, u ich adlustravanyja ŭsie praduhledžanyja zakanadaŭstvam źviestki pra pretendenta i členaŭ jaho inicyjatyŭnych hrup. Na dumku CVK, padstavy dla admovy ŭ rehistracyi inicyjatyŭnaj hrupy adsutničajuć. Za rehistracyju inicyjatyŭnaj hrupy Łukašenki prahałasavali ŭsie 12 členaŭ CVK.
Rašeńnie ab rehistracyi hrupy Kalakina było taksama pryniata adnahałosna. Jak adznačałasia na pasiadžeńni, pieraškod dla ŭdziełu Kalakina ŭ prezidenckich vybarach nie vyjaŭlena. Kamisija znajšła tolki adzin niedachop: u śpis členaŭ inicyjatyŭnaj hrupy była ŭklučanaja asoba biez hramadzianstva — hetaha čałavieka z hrupy vyklučyli.
Paźniej była adzinahałosna zarehistravanaja hrupa Siarhieja Hajdukieviča — staršyni Libieralna-demakratyčnaj partyi (ŁDP).
Sa składu inicyjatyŭnaj hrupy kolkaściu 2.484 čałavieki byli vyklučany troje: dva ŭdzielniki hrupy nie dasiahnuli paŭnaletniaha ŭzrostu (18 hadoŭ), jašče adzin źjaŭlajecca hramadzianinam Rasii.
Jak zajaviła žurnalistam paśla pasiedžańnia CVK staršynia kamisii Lidzija Jarmošyna, jana pakul bačyć padstavy dla rehistracyi tolki piaci inicyjatyŭnych hrup, try ź jakich užo zarehistravanyja siońnia. Udakładnić, čyje jašče inicyjatyŭnyja hrupy projduć rehistracyju, Jarmošyna admoviłasia.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary