Alaksandr Łukašenka ličyć, što ŭ čas vybarčaj kampanii nieabchodna paźbiahać papulizmu, nie abiacajučy ludziam ničoha lišniaha, nie padmanvajučy ich. Ab hetym kiraŭnik dziaržavy zajaviŭ siońnia na sustrečy sa staršynioj pałaty pradstaŭnikoŭ Uładzimiram Andrejčankam.
Łukašenka zaklikaŭ deputataŭ u čas vybarčaj kampanii aktyvizavać rabotu ŭ akruhach. Pavodle jaho słoŭ, parłamientaryjam nieabchodna padklučycca da prezidenckich vybaraŭ «u płanie taho, kab danieści da ludziej i rastłumačyć im najbolš składanyja momanty hetaj situacyi ŭ krainie i majučaj adbycca kampanii».
Alaksandr Łukašenka vykazaŭ mierkavańnie, što ŭ hety pieryjad budzie niamała «roznych vypadaŭ u adras dziaržavy, u tym liku i našaha hramadstva». «Deputaty - ludzi daśviedčanyja, heta palityčna aktyŭnyja ludzi, nieabchodna, kab jany rastłumačvali svaim vybarščykam tyja ci inšyja składanyja momanty abo prapanovy našych apanientaŭ», — ličyć kiraŭnik dziaržavy.
«U prezidenckija vybary ŭsie vielmi šmat abiacajuć, ale vykonvać daviadziecca tamu, chto budzie vybrany, — pradoŭžyŭ jon. - Ja ŭpeŭnieny, što navat kali budzie vybrany inšy čałaviek, pracavać buduć ludzi, jakija ciapier pracujuć. Jany ž ź nieba nie zvalacca — śpiecyjalisty i dziaržsłužačyja. Heta vielmi składany praces — padrychtavać dziaržaŭnaha słužačaha, taho ž čynoŭnika. Tamu mnohija zastanucca pracavać, navat kali pryjdzie da ŭłady chtości inšy i moža navat apazicyjny».
Łukašenka padkreśliŭ, što biełarusy nie z tych ludziej, jakich možna padmanuć pieradvybarnymi abiacańniami. «Užo tut, jak u narodzie kažuć, łokšynu na vušy nie naviesiš, ale, tym nie mienš, sprabavać buduć. I deputat pavinien być tym čałaviekam, jaki pavinien źbierahčy naša hramadstva ad zališnich nadziej na toje, što ich niechta azałocić. U śviecie čas niaprosty. I prosta tak ničoha nie robicca, —adznačyŭ Alaksandr Łukašenka. — Śviet stanovicca ŭsio bolš składanym i nam u hetym składanym śviecie nie tak prosta adaptavacca i prystasavacca. Ale heta naša prablema - prablema ŭłady, i my adaptujemsia. Deputaty pavinny dapamahčy z rastłumačeńniami tych ci inšych pazicyj našamu nasielnictvu».
«Deputat - heta čałaviek, jaki karystajecca davieram nasielnictva, i treba ź ludźmi razmaŭlać. Nie treba im ničoha lišniaha abiacać i nie treba padmanvać ludziej. My hetaha pavinny nie dapuścić», - reziumavaŭ Łukašenka,
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary