Kampjutarnuju prahramu navučyli vučycca pa videaŭrokach
U pryvatnaści, prahrama daviedałasia, jak zamianić koła na mašynie.
Francuzskija daśledčyki stvaryli prahramu analizu videainstrukcyj u internecie i apisali jaje na arXiv.org, raspaviadaje N+1.
Prahrama prahladaje šerah videarolikaŭ na zadadzienuju temu i składaje pakrokavy płan vykanańnia zadačy ź ilustracyjaj da kožnaha kroku.
Ałharytm pravieryli na 30 videa pra toje, jak pamianiać koła, i 27 videa pra sardečna-lohačnuju reanimacyju. U pieršym vypadku prahrama pravilna zrazumieła 90% nieabchodnych krokaŭ, u druhim — tolki 67%.
U kožnym vypadku ilustracyi pad kroki padbiralisia karektna. Pryčym roznyja apisańni dziejańniaŭ (naprykład, «padymicie mašynu» i «prypadymicie aŭtamabil» u roznych rolikach) składvalisia ŭ adzin krok-etap razam z usimi ilustracyjami, źviazanymi mienavita z hetym krokam.
Heta pieršy vypadak paśpiachovaha stvareńnia instrukcyi ź ilustracyjami mietadam mašynnaha navučańnia. Raniej atrymlivałasia ci tolki padabrać vyjavy pad hatovy ałharytm, ci tolki raźbić videa na łahičnyja adrezki. Raspracoŭka moža dapamahčy vučyć robataŭ peŭnym apieracyjam, u jakich jany mohuć dapamahać čałavieku — naprykład, navučać robata-kuchara novym stravam.
-
«Leha» abviaščaje revalucyju: prezientavanaja sistema, jakaja ažyŭlaje kubiki biez smartfonaŭ. Voś jak jana pracuje i kolki kaštuje
-
Mask płanuje stvaryć na kalaziamnoj arbicie sapraŭdnaje suzorje centraŭ apracoŭki danych. Rasija zaniepakojenaja
-
Apple nabyła sakretnuju izrailskuju technałohiju sčytvańnia mimiki
Kamientary