Tekst dakumienta pa advodzie tankaŭ i peŭnych vidaŭ uzbrajeńniaŭ kalibram da 100 mm u zonie ŭzbrojenych dziejańniaŭ na Danbasie ŭzhodnieny.
Pra heta paviedamiŭ 21 lipienia žurnalistam u Minsku pa vynikach pieramoŭ trochbakovaj kantaktnaj hrupy pa Ukrainie staršynia ABSIE, pieršy namieśnik premjer-ministra — ministr zamiežnych spraŭ Sierbii Ivica Dačyč.
Pavodle jaho słoŭ, pahadnieńnie moža być padpisanaje siońnia viečaram. «Moj vizit źviazany z namieram trojki ABSIE, u jakuju aprača mianie ŭvachodziać šviejcarski i niamiecki ministry zamiežnych spraŭ, prynieści našu padtrymku i vykazać nadzieju na pośpiech pracy pa ŭrehulavańni situacyi va Ukrainie i vakoł jaje. Naša meta zaklučajecca ŭ tym, kab zbroja zamaŭčała i kab byŭ dasiahnuty peŭny pośpiech šlacham palityčnaha dyjałohu», — zajaviŭ Dačyč.
«Treba pavažać minskija pahadnieńni, poŭnaściu spynić ahoń i pavažać poŭnaje spynieńnie ahniu, nieabchodny advod ciažkaha ŭzbrajeńnia, adkryćcio palityčnaha dyjałohu i stvareńnie ŭmoŭ dla praviadzieńnia miascovych vybaraŭ, ź jakimi byli b zhodnyja i Kijeŭ, i Danbas», — rastłumačyŭ jon pazicyju ABSIE. Pavodle słoŭ Dačyča, na siońniašnich pieramovach taksama dasiahnuty prahres u vyrašeńni ekanamičnych i humanitarnych pytańniaŭ.
Ciapier čytajuć
Jak u halečy śpivałasia radnia Łukašenki? Małaviadomyja fakty1
Kamientary