Homielskaja prakuratura papiaredziła pastara Siarhieja Mikałajenku
Homielskaja haradskaja prakuratura vyniesła aficyjnaje papiaredžańnie pastaru pratestanckaj supołki Carkvy Božaj «Pieramianieńnie» Siarhieju Mikałajenku. Jaho padpisaŭ prakuror Siarhiej Zajcaŭ.
U papiaredžańni skazana: «Ź infarmacyi, jakaja pastupiła ŭ prakuraturu h. Homiela z AUS Centralnaha rajonu Homiela, bačna, što Vy pravodzicie niesankcyjanavanyja relihijnyja schody ŭ aktavaj zale AAT «Homielsaŭhasbud». Za dadzienaje pravaparušeńnie Vy pryciahnuty da administracyjnaj adkaznaści.
Bolš za toje, jak ustanoŭlena, zhadanyja schody Vy pravodzicie ad niezarehistravanaj va ŭstanoŭlenym paradku relihijnaj arhanizacyi «Carkva Chrysta Zbaŭcy», što zabaroniena zakanadaŭstvam Respubliki Biełaruś».
Adsiul i papiaredžańnie z pahrozaj kryminalnaj adkaznaści.
Pastar Mikałajenka paviedamiŭ, što abłasny sud admianiŭ administracyjny štraf, nakładzieny na jaho ŭ červieni sudom Centralnaha rajona, i pieradaŭ spravu na novy razhlad. Arhumient prakurora pra pakarańnie vyhladaje zaŭčasnym.
Pratestanckaja supołka, jak ličyć pastar, nie parušała zakanadaŭstva. Pavodle artykuła 31 Kanstytucyi vierniki mohuć volna vyjaŭlać svaje relihijnyja pohlady sami i supolna ź inšymi. Supołka maje aficyjny dazvoł na praviadzieńnie nabaženstva ŭ Homieli, bo maje rehistracyju. Adzinaje, čaho ŭ viernikaŭ nie było, — heta ŭzhadnieńnia na praviadzieńnie nabaženstva ŭ Centralnym rajonie, bo na ŭliku supołka značycca ŭ Savieckim rajonie. Pastar padaŭ nieabchodnyja dakumienty, ale na toj čas, jak milicyja ŭvarvałasia na nabaženstva, jany nie byli padpisanyja. Terminy padpisańnia rajonnaja administracyja čamuści zaciahnuła.
Vierniki Carkvy Božaj «Pieramianieńnie» kažuć, što incydent zdaryŭsia sioleta ŭ krasaviku ŭ aktavaj zali Homielsaŭhasbuda, jakuju jany aficyjna arandavali. AMAPaŭcy zajšli ŭ zału, dzie viałosia nabaženstva, i adrazu pačali zdymać usich na videakamieru, a paśla apytvali prysutnych, zadajučy pry kancy pytańnie: «Čamu nie chodzicie ŭ zvyčajnuju pravasłaŭnuju carkvu, čamu mienavita siudy?»
-
«Ja była jak pad hipnozam». Realnyja historyi minčukoŭ, jakich machlary prymusili pradać kvatery — adna sumnaja, druhaja amal ščaślivaja
-
U źlitych fajłach Epštejna ŭspłyła jašče adna biełaruska, madel i žonka futbalista — raskazvajem, što pra jaje viadoma
-
«U vas jość lubimaja pieśnia?» Znajomciesia z Maksatam — samym viadomym stryt-videohrafam Minska
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary