Raśsielhasnahlad: «Biełryba» vydavała štučnuju ikru za łasasiovuju. «Biełryba»: Heta padman
Raśsielhasnahlad vyjaviŭ fakt falsifikacyi ikry biełaruskim AAT «Biełryba». Pra heta paviedamlaje pres-słužba viedamstva.
«Pry malekularna-hienietyčnym analizie adabranaha ŭ paradku płanavaha kantrolu i nazirańnia ŭzoru ikry łasasiovaj krupčastaj (stronha) vytvorčaści AAT «Biełryba» u daśledavanym uzory DNK vidaŭ ryb siamiejstva łasosievych nie vyjaŭlena», — havorycca ŭ paviedamleńni.
Heta śviedčyć ab štučnym pachodžańni pradukcyi, rastłumačyli ŭ Raśsielhasnahladzie.
U «Biełrybie» zajaŭlajuć, što pravierka pradukcyi była praviedziena z parušeńniem pracedur, biez prysutnaści biełaruskich ekśpiertaŭ i nie moža ličycca vierahodnaj.
«AAT «Biełryba» hatova pravieści mižłabaratornyja paraŭnalnyja vyprabavańni syraviny i hatovaj pradukcyi (ikry łasasiovaj krupčastaj) na najaŭnaść DNK łasosievych parod ryb pry najaŭnaści aficyjnaj infarmacyi pra fakty falsifikacyi ŭ akredytavanaj łabaratoryi RF i Respubliki Biełaruś».
Byvajuć vypadki, kali biełaruskuju pradukcyju padrablajuć machlary, bo biełaruskim brendam daviarajuć.
Ale byvali i vypadki palityčna matyvavanych pryčepak z boku rasijskaha kantrolnaha orhana. Hetak, u svoj čas Raśsielhasnahlad błakavaŭ pastaŭki hruzinskich minieralnych vod, biełaruskaha małaka i małdaŭskaha vina na toj padstavie, što jany niajakasnyja.
Kamientary