Łukašenka: Ciaham hoda-dvuch my vierniemsia na toj uzrovień zarobkaŭ, jaki byŭ učora
«Viedajučy, što nie možam pavyšać zarpłaty, my stali rehulavać ceny, — paviedamiŭ Alaksandr Łukašenka padčas intervju pradstaŭnikam troch niedziaržaŭnych srodkaŭ masavaj infarmacyi. — I pa mnohich pytańniach, dzie dziaržava rehuluje ceny, my ich zamarozili faktyčna. Situacyja składvajecca takim čynam, što my zarpłaty pavyšać nie možam. My pryviazali zarpłatu da abjomaŭ vytvorčaści.
Kali niama vytvorčaści, to i zarobak pavyšać niama za što. Hrošy drukavać my nie budziem.
Ja ŭpeŭnieny, što na praciahu hoda-dvuch my vierniemsia na toj uzrovień zarobkaŭ, jaki byŭ učora. Navat kali situacyja na našych tradycyjnych rynkach budzie takoj ža, jak ciapier».
Na zaŭvahu, što zarobki nie vyraśli ŭ dalarach, Łukašenka adkazaŭ: «Vy ž nie za dalary kuplajecie pradukty i adzieńnie ŭ Biełarusi. Ja nie asprečvaju vaš tezis. Vy skazali, što ŭ rublach zarobak ŭ nas vyras, a voś u dalarach skaraciŭsia. Vy zaŭvažyli, što nie my byli inicyjatarami 30%-j devalvacyi. Heta adbyłosia na našych rynkach: spačatku ŭ Rasii, potym u Kazachstanie. My nie mahli z hetaj pryčyny utrymlivać valutu. Tamu my nie strymlivajem, nijakich interviencyj Nacbanka niama. Jak składvajecca kurs, tak i jość. I tak budzie zaŭsiody».
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ24
Kamientary