Łukašenka: Nijakaj interviencyi ź Biełarusi va Ukrainu nie budzie. Na našaj terytoryi dźvie absalutna mirnyja vajennyja bazy
Na našaj terytoryi dźvie absalutna mirnyja vajennyja bazy, paviedamiŭ siońnia Alaksandr Łukašenka ŭ intervju žurnalistam troch niezaležnych ŚMI.
«Na našaj terytoryi dźvie absalutna mirnyja vajennyja bazy. Baza ŭ Baranavičach — tam napeŭna try čverci našych ludziej słužać. Baza ŭ Hancavičach — možna skazać inžyniernaja vysokatechnałahičnaja stancyja, jakaja viadzie kantrol za puskam rakiet. Jany mohuć atakavać Ukrainu? Nie. U nas jość nievialikaja hrupa mytnikaŭ i niekalki čałaviek rasijskich pamiežnikaŭ, pakolki miažy pamiž Rasijaj i Biełaruśsiu niama. Ja daŭ dabro, kab ich naziralniki mahli z našaha viedama pahladzieć. Heta dziesiać čałaviek.
Samaloty ja ŭ ich prasiŭ: «Dajcie ci pradajcie «po diešiovkie» dziasiatak samalotaŭ. Čempijanat śvietu mnie treba ŭ płanie biaśpieki zabiaśpiečyć. Jany skazali, što mohuć try samaloty dać. Ja kažu: «Dobra, adzin vaš lotčyk i dva našych». Ja nie viedaju, niasuć jany zaraz dziažurstva ci nie. Pa-mojmu, jany ŭbyli siońnia. Samalotaŭ rasijskich u nas tut niama».
«Absalutna nie padtrymlivaju nijakich vojskaŭ va Ukrainie, — skazaŭ Łukašenka, adkazvajučy na nastupnaje pytańnie. — Ni rasijskich, ni jakich-niebudź inšych. Toje, jak padajecca kanflikt u rasijskich ŚMI, - heta paśmiešyšča.
Toje samaje robicca z boku ŭkrainskich ŚMI — idzie infarmacyjnaja vajna. Uvarvańnie jakich by tam ni było vojskaŭ i najmitaŭ nie padtrymlivaju. Ja kali sustrakaŭsia z Turčynavym, skazaŭ jamu, što nikoli hetaha nie budzie. Nikoli z našaj terytoryi nichto nie budzie atakavać Ukrainu, kali heta nie budzie supiarečyć našym intaresam abo kali Ukraina sama nie napadzie na Biełaruś. Ale takoha nikoli nie budzie. Nijakaj interviencyi z terytoryi Biełarusi va Ukrainu nie budzie».
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary