Tady jany vydaduć novy albom.
Adzin z dvuch naščadkaŭ «Lapisaŭ», hurt Trubetskoy, vydaść u kastryčniku debiutny albom, raspavioŭ Sputnik-u dyrektar hurtu Jaŭhien Kałmykoŭ.
Novyja pieśni buduć adroźnivacca jak ad tvorčaści «Lapisaŭ», tak i ad raniejšych piesień Trubetskoy. Kali słuchačam hety albom nie «zajdzie», hurt zasiadzie ŭ studyi i napiša jašče adzin albom.
«My robim usio staŭki na hety albom, tamu što z vosieni hurt bolš nie budzie vykonvać pieśni z repiertuaru «Lapisa Trubiackoha», — kaža Kałmykoŭ. — Kali debiutny albom «pojdzie» — płany buduć hrandyjoznyja, kali nie — chaj sadziacca ŭ studyju i pišuć novy albom».
Paśla raspadu «Lapisaŭ» u vieraśni 2014 hoda ŭdzielniki hurtu ŭtvaryli dva prajekty: Michałok staŭ lidaram Brutto (siońnia žyvie i pracuje va Ukrainie), druhi vakalist «Lapisaŭ» Pavieł Bułatnikaŭ staŭ śpiavać u Trubetskoy.
Peŭny čas Trubetskoy volna vykonvali pieśni «Lapisaŭ» razam sa svaimi ŭłasnymi, ale ŭ sakaviku 2015-ha Michałok im heta zabaraniŭ, nazvaŭšy «kaver-bendam». Maŭlaŭ, «Trubetskoy śpiavaje pieśni, idei jakich nie padzialaje». Trubetskoy adkazali Michałku biełaruskamoŭnym samotnikam «Pryvitańnie ŭsim naohuł».
Hurt Michałka tym časam praciahvaje vykonvać niekalki hałoŭnych chitoŭ «Lapisaŭ» razam z novymi pieśniami, a ŭ nastupnym albomie abiacaje «nie stroić ź siabie Ahniju Barto».
-
Nevika śpiavaje na biełaruskaj movie, ale časam jaje pieśni źbirajuć bolš prasłuchoŭvańniaŭ u Rasii
-
Śpiavačka Lera Jaskievič padzialiłasia bolem: «Mahčyma, ja nie zmahu vypuskać pieśni pad svaim imiem». Što zdaryłasia?
-
Ci budzie hurt «Piatla prychilnaści» praciahvać vystupać z novym vakalistam, bieź Illi Čarapko?
Ciapier čytajuć
Tramp zaprasiŭ Łukašenku ŭvajści ŭ Radu miru pa Hazie38
Kamientary