U Hrodzienskim zaaparku pamierła pierakormlenaja naviednikami ziebra
Biaskoncyja pačastunki pryviali da spynieńnia serca.
Vieterynary Hrodzienskaha zaaparka try dni bilisia za žyćcio ziebry Bobi, ale ŭviečary 6 žniŭnia jaho serca spyniłasia, piša TUT.BY. Žyvioła pamierła ad udušša, vyklikanaha «čułaściu» naviednikaŭ, jakija ŭvieś čas padkormlivali žyviołu.
Dla naviednikaŭ, jakija kormiać žyvioł, prapanujecca navat uvieści štrafy. Infarmacyjnyja tablički nie dapamahajuć — ludzi kormiać žyvioł takoj ježaj i ŭ takich abjomach, što kožny miesiac zdarajecca para vypadkaŭ, kali vieterynaram davodzicca ratavać hadavancaŭ ad śmierci. Atrymlivajecca nie zaŭsiody.
Paśla vychodnych ŭ ziebry nadźmuŭsia žyvot, ad čaho prycisnulisia serca i lohkija. U žyvacie ad niapravilnaha charčavańnia pačałosia bradžeńnie.
Arhanizm ziebraŭ navat mienš prystasavany da aby-jakoj ježy, čym u koniej. Frukty, chleb ci cukierki dla ich kateharyčna procipakazanyja. Zvyčajna ziebraŭ kormiać sienam, śviežaskošanaj travoj, ziernievaj sumieśsiu z dadatkam harodniny. Pryčym stroha hladziać za zbałansavanaściu.
Samiec Bobi žyŭ u valjery z samkaj Bebi. Apošnija dni jany pravodzili razam. Bebi, jak i Bobi, apošnimi dniami nie vyvodzili na prahułki, jana siadzieła na dyjecie.
Supracoŭniki zaaparkaŭ prapanujuć uvieści štrafy za karmleńnie žyvioł, dy kažuć, što heta treba rabić na zakanadaŭčym uzroŭni. Jany marać pra videanazirańnie, kab možna było ŭ vypadku chvaroby žyvioły pakazać tvary tych, praz kaho žyvioła pakutuje.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary