Hramadskija aktyvistki Nastaśsia Rahatko, Alaksandra Łohvinava i Nastaśsia Kaściuhova paviedamili, što zapuskajuć StratComLab — łabaratoryju stratehičnaj kamunikacyi. Na ich dumku, novaja struktura moža ŭzmacniać usiu biełaruskuju aktyŭnaść za miažoj: palityčnych aktaraŭ, inicyjatyvy, niekamiercyjnyja arhanizacyi i miedyja.
«My narešcie daviali da ładu ideju, jakaja daŭno naradziłasia. My praciahvajem zajmacca tym ža, čym zajmalisia — dapamahajem farmulavać idei i raskazvać ich ludziam. Ale kali raniej my rabili heta tolki ŭ ramkach Ofisa Śviatłany Cichanoŭskaj, to ciapier my zapuskajem StratComLab» — napisała ŭ fejsbuku Nastaśsia Rahatko.
Novastvoranaja łabaratoryja ŭžo maje svoj sajt.
Nastaśsia Rahatko taksama paviedamlaje, što choć ad pačatku sakavika stvaralnicy StratComLab nie pracujuć u ofisie, jany ŭsio ž taki praciahvajuć ź im supracoŭničać. A farmat pracy źmianiŭsia, «kab zrabić jaje bolš efiektyŭnaj i stvarać asiarodździe dla rostu i raźvićcia biełaruskaha miedyjapola, jaho formy i źmiastoŭnaha napaŭnieńnia».
Kamientary
Čakajem zahałovak “Biełaruska adčyniła pialmiennuju” zamiest “Cichanoŭskaja padała ŭ adstaŭku”!