Inicyjatyŭnaja hrupa staršyni Biełaruskaj partyi levych «Spraviadlivy śviet» Siarhieja Kalakina sabrała 70 tysiač podpisaŭ u padtrymku vyłučeńnia jaho kandydatam u prezidenty. Pra heta BiełaPAN paviedamiŭ kiraŭnik jaho inicyjatyŭnaj hrupy Valeryj Uchnaloŭ.
Dla rehistracyi kandydatam u prezidenty nieabchodna sabrać 100 tysiač podpisaŭ. «70 tysiač podpisaŭ — heta danyja na 16 žniŭnia. Sabrać 30 tysiač za astatnija piać dzion, napeŭna, budzie prablematyčna. Choć, mahčyma, nie ŭsie zborščyki podpisaŭ užo zdali ich u rehijanalnyja štaby, i tamu ŭ nas nie zusim poŭnyja danyja», — skazaŭ Uchnaloŭ.
Na siońnia ŭžo piać z vaśmi zarehistravanych inicyjatyŭnych hrup zajavili pra zbor 100 tysiač podpisaŭ, nieabchodnych dla rehistracyi kandydata ŭ prezidenty.
Kamientary