Raźmieščanaje ŭ Viciebskaj vobłaści bałota Jelnia, jakoje adnaŭlajecca paśla mielijaracyi, siońnia zaharełasia, paviedamlaje sajt «Dzikaja pryroda Biełarusi».
Jak paviedamiŭ miascovy žychar i zachavalnik hetaha unikalnaha pryrodnaha miesca Valeryj Kavalonak, 18 žniŭnia a 10-j jamu patelefanavała maci. Pražyvaje jana niedaloka ad vioski Vasilkava Šarkaŭščynskaha rajona. Paviedamiła, što zaŭvažyła dym, jaki idzie z boku bałota. Druhi ačah, pavodle jaho słoŭ, źjaviŭsia u baku vioski Bieły Dvor.
«Ja paviedamiŭ va ŭsie inśpiekcyi. Naturalna, laśničyja, jakija dziažuryli na vyšcy, užo zaŭvažyli biadu. Ja bačyŭ, jak užo nad bałotam pralataŭ viertalot: mabyć, vyznačaŭ maštab ačahoŭ uzharańnia», — raspavioŭ jon.
Hałoŭny inžynier laśnictva Jaŭhien Baran paćvierdziŭ pakul adzin ačah uzharańnia — kala vioski Vasilkava. Usie siły nakiravany na źmianšeńnie ačahoŭ. Jakaja ich płošča, Jaŭhien Baran nie zmoh adkazać.
Paźniej źjaviłasia infarmacyja pra toje, što na likvidacyi pažaru, maksimalnaja płošča jakoha skłała 2 ha, zadziejničany kala 200 čałaviek: siły i srodki Šarkaŭščynskaha RANS, Mijorskaha RANS, AAT «Kniaž», AAT «Jelnia», DŁHU «Dziśnienski lashas», pradpryjemstvaŭ ŽKH. Usiaho ŭ tušeńni zadziejničany: 2 adzinki techniki i 35 rabotnikaŭ padraździaleńniaŭ MNS; 6 adzinak techniki i 18 rabotnikaŭ arhanizacyj Šarkaŭščynskaha rajona; 2 adzinki techniki i 145 rabotnikaŭ Dziśnienskaha lashasa.
Vykarystoŭvajucca rancavyja apyrskvalniki, pastajanna padajecca vada z pobač raźmieščanaha bałota, pravodzicca abvorvańnie lasnoha ŭčastka. Škoda i pryčyna ŭstaloŭvajucca.
Kamientary