Chvastoŭ adpraŭleny ŭ adstaŭku: «Jak ministr jon sastupaŭ Makieju»
Siońnia stała viadoma, što 22 žniŭnia Alaksandr Łukašenka adpraviŭ u adstaŭku pradstaŭnika Biełarusi pry AAN u Ženievie Michaiła Chvastova. Ad 2000 da 2003 Chvastoŭ uznačalvaŭ Ministerstva zamiežnych spravaŭ.
Michaiłu Chvastovu 66 hadoŭ, aficyjnaja farmuloŭka adstaŭki hučyć tak: «u suviazi z vychadam u adstaŭku». Chvastoŭ naradziŭsia ŭ 1949 u vioscy Kazłoŭščyna Pastaŭskaha rajona. Skončyŭ Minski piedahahičny instytut zamiežnych movaŭ (1975), jurydyčny fakultet BDU (1989). Ad 1982 hoda na pracy ŭ MZS BSSR, paśla – MZS Biełarusi.
Adstaŭku Chvastova my paprasili prakamientavać palityčnaha ahladalnika Ramana Jakaŭleŭskaha.
«Heta łahična i čakałasia daŭno. Michaił Michajłavič šmat hadoŭ papracavaŭ.
Ja b acharaktarazavaŭ Chvastova jak viernaha čynoŭnika. Jon zrabiŭ sabie karjeru ad kiraŭnika pratakołu da vice-premjera. Ja nahadaju, što Chvastoŭ niejki čas byŭ adnačasova i ministram zamiežnych spravaŭ, i vice-premjeram. Byŭ taki status u MZS.
Kali paraŭnać jaho aktyŭnaść ź siońniašnim ministram zamiežnych spravaŭ Uładzimiram Makiejem, to Chvastoŭ, biezumoŭna, sastupaŭ. Tady rola kiraŭnika MZS była nie nastolki važnaj. Makieja ž možna adznačyć jak ci nie samaha aktyŭnaha ministra.
Nijakich hučnych inicyjatyvaŭ z boku ministra Chvastova ja b nie adznačyŭ. Jon hodna i akuratna vykonvaŭ svaje abaviazki. Jašče adzin štryšok, što mienavita pry im pres-sakratarom MZS byŭ Pavieł Łatuška, na siońnia viadoma biełaruski dypłamat.
Možna zhadać z staronak bijahrafii, što jon byŭ apošnim na siońniašni momant pasłom Biełarusi ŭ ZŠA, paśla byli tolki časovyja pavieranyja. Kali ŭ Minsk pryjazdžaŭ Bił Klintan, to jaho supravadžaŭ šef pratakołu Michaił Chvastoŭ.
Jon biez skandałaŭ mianiaŭ adnu pasadu na inšuju, karjera była davoli roŭnaj.
U asabistym žyćci ŭ Michaiła Michajłaviča była vialikaja trahiedyja, śmierć syna».
Ciapier čytajuć
«Paŭstańnia takich pamieraŭ u Biełarusi nikoli nie było». Historyk raskazaŭ, čym unikalny 2020-ty i što my voźmiem ź jaho na budučyniu15
Kamientary