Novyja vieršy laŭreata premii «Hliniany Viales» — ščymlivyja i daskanałyja.
Novyja vieršy laŭreata premii «Hliniany Viales» — ščymlivyja i daskanałyja.
- * * *
- Pa asfalcie daždžom siekanuła źnianacku,
I pa šybach pustych, raŭnaduššam zašklonych,
I kałocicca čornaje holle šalona,
I chistajucca drevy ŭ pakłonach varjackich.
- Raźbiahajucca ŭ ciemradzi społachi straty
I pad nohi, viarnuŭšysia, padajuć nicma,
I pahroźliva hmachi, mury, kamianicy
Da mianie nachilajuć betonnyja łaty.
- Heta chilicca śviet, u siarodku jakoha
Źziała tolki kachańnie… i bolej ničoha!
- * * *
- Zdarajecca, zimy dalokaj podych
Na ciopły maj dychnie,
I zieleń jarkuju na sušy i na vodach
Ablepić vohki śnieh.
- Niachaj u śvietły dzień tvoj uspaminy
Dachodziać pra mianie,
Jak hety śnieh, što vypaŭ na chvilinu
I chutka praminie.
Tuman
- Ad Suchavieja blakłych społachaŭ,
Jaki źviastuje haračyń,
Nakryłasia Tumanu połaham
Raki natomlenaja płyń.
- Jak lohka jašče dychać sienačy!
Tuman vychodzić ź bierahoŭ,
Na doł abrus biasiedny ścielačy
Na pryjście prodkaŭ i bahoŭ.
Paciapleńnie
- M. T.
- Ciapłyń. Viasna. Choć lutaha pačatak.
Unučcy Mai možna biez palčatak
Kranać usio naŭkoła prahnaj ručkaj…
Mnie ž, dziedabohu, pilnavać za ŭnučkaj.
- Kažu, kab štoś kazać: «Niama zbavieńnia —
Hlabalnaje nadchodzić paciapleńnie,
Jano zynačyć aharod i sad,
Zamiest ahrestu źviśnie vinahrad.
- Što? Vinahrad? Dyk ža jano — žyvoje!
Vitaje Maja ŭsie suzdrom pavoi.
A mnie ŭśmichacca, tojačy nudu…
Jak choraša, što chutka ŭžo sydu.
-
Fatahrafii hetaj słanimčanki vystaŭlajucca pa ŭsim śviecie — praź ich jana raskazvaje i pra dyktaturu ŭ Biełarusi FOTY
-
Voś videazapis fiestyvalu «Vieršy na asfalcie», dzie Niaklajeŭ pračytaŭ svoj vierš «Na imianiny śviatoha Valancina»
-
Aktrysa Kupałaŭskaha pryznałasia, što teatr tak i nie zmoh adyści paśla 2020 hoda
Kamientary