U žniŭni 2015 hoda spažyvieckija ceny na tavary i pasłuhi ŭ Biełarusi vyraśli ŭ paraŭnańni ź lipieniem na 0,2%, sa śniežniem 2014 hoda — na 7,8%, paviedamlaje pres-słužba Nacyjanalnaha statystyčnaha kamiteta.
Ceny na charčovyja tavary za miesiac źnizilisia na 0,8%.
Najbolš istotna padaraželi: kandytarskija vyraby — na 2,2%, alej (akramia aliŭkavaha) — na 1,9%, krupy i babovyja — na 1,3%, miasa i ptuška — na 1%, syry — na 0,8%, ryba i morapradukty, čaj, muka pšaničnaja, chleb — na 0,6%, napoi ałkaholnyja, makaronnyja vyraby — na 0,5%.
Źnizilisia ceny na bulbu — na 31,3%, aharodninu — na 28,3%, frukty — na 6,6%, jajki — na 1,1%, masła śmietankovaje — na 0,8%.
Ceny na niecharčovyja tavary ŭ žniŭni ŭ paraŭnańni ź lipieniem pavialičylisia na 1%, z pačatku hoda — na 8,6%. Bolš za ŭsio padaraželi piśmovyja pryłady — na 2,3%, sintetyčnyja myjnyja srodki — na 1,6%, miedykamienty — na 1,5%, bytavyja elektraprybory —- na 1,4%, tkaniny — na 1%.
Źnižeńnia cen na niecharčovyja tavary ŭ žniŭni nie zafiksavana.
Ciapier čytajuć
«Biełaruś ciabie lubić». Repartaž z raźvitańnia ź Mikitam Miełkazioravym9
Kamientary