Na harnałyžnym kurorcie kala pieravału Monte-Mora ŭ italjanskich Alpach adbyłasia avaryja na kanatnaj darozie Makuńjaha. U vyniku incydentu kala sta čałaviek akazalisia zabłakavanymi na vyšyni prykładna 2800 mietraŭ nad uzroŭniem mora, paviedamlaje Euronews.
Zdareńnie adbyłosia 30 śniežnia ŭ rehijonie Pjemont. Pavodle papiaredniaj infarmacyi, adna z kabin padčas padjomu ruchałasia z praźmiernaj chutkaściu i, zajechaŭšy na stancyju, nie zdoleła svoječasova zatarmazić i ŭrezałasia ŭ aharodžu. Amal adnačasova na stancyju z druhoha boku pryjechała jašče adna kabina, u jakoj byŭ tolki kiroŭca; jon atrymaŭ lohkija traŭmy.
U vyniku avaryi paciarpieli jak minimum čatyry čałavieki, ich traŭmy akazalisia niaznačnymi. Harnałyžnyja trasy adrazu zakryli, a pracu padjomnika spynili.
Na vyšyni zastalisia 94 turysty, u tym liku dzieci, a taksama piaciora rabotnikaŭ. Na miesca prybyli hornyja ratavalniki, ekstrannyja słužby, karabiniery i pažarnyja. Evakuacyju pravodzili z dapamohaj viertalotaŭ, usich ludziej paśpiachova dastavili ŭniz.
Pradstaŭnik kampanii — apieratara kanatnaj darohi paviedamiŭ, što ciapier pravodzicca pravierka pryčyn avaryi. Pavodle papiarednich vysnoŭ, zboj adbyŭsia z-za prablem z tarmažeńniem kabiny pry ŭjeździe na stancyju. Jon padkreśliŭ, što surjoznych traŭmaŭ niama i žyćciu ludziej ničoha nie pahražaje: samaja ciažkaja traŭma — rana na ruce ŭ 59‑hadovaha mužčyny.
Kanatnuju darohu Makuńjaha pabudavali jašče ŭ 1962 hodzie, a ŭ 2023 hodzie jana prajšła kapitalnuju madernizacyju z zamienaj ruchavikoŭ i kabin, na jakuju było vydatkavana kala dvuch miljonaŭ jeŭra.
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary