Ministr lasnoj haspadarki adznačaje šerah prablem u supracoŭnictvie z Rasijaj
Pry supracoŭnictvie z Rasijaj u śfiery lasnoj haspadarki jość šerah prablem, zajaviŭ 15 vieraśnia ŭ Minsku na pres-kanfierencyi ministr lasnoj haspadarki Michaił Amieljanovič.
«Niaprosta ŭ nas iduć spravy z Rasijaj. My nie možam znajści ciesny kantakt. Nie tamu, što jany nie chočuć, tam prosta inšy padychod da lasnych resursaŭ, inšy lasny kodeks. U Rasii lasy addajucca ŭ doŭhaterminovuju arendu na 49 hadoŭ, pravić bałam arandatar. Jość kantralory, ale jany kantralujuć pracu arandataraŭ słaba. Vysiečanyja lasy dziasiatkami hadoŭ nie adnaŭlajucca. Arandatary imknucca realizavać draŭninu i atrymać dachod», — patłumačyŭ Amieljanovič.
Pavodle jaho słoŭ, taksama niama ahulnaj movy z Rasijaj u płanie pastavak pasadačnaha materyjału.
«My abiacajem, što možam zabiaśpiečyć jeŭrapiejskuju častku RF pasadačnym materyjałam. Prasili — i byli damoŭlenaści — nie budavać lesanasiennyja centry, jakija my budujem. Prachodzić čas — našy rasijskija kalehi ŭzdoŭž našaj miažy pačali budavać centry ŭ Pskoŭskaj, Smalenskaj, Leninhradskaj abłaściach. Heta ŭkładańnie vialikich finansavych srodkaŭ. Vyrašyć hetaje pytańnie nie atrymlivajecca. Choć my štohod kala 50 młn. štuk pasadačnaha materyjału realizoŭvajem rasijskim kaleham, sioleta ŭžo 30 młn. pastavili. Mahli b jašče pastavić. Ale, kali jany svaje centry pabudavali, zbyt źnižajecca. My b mahli zabiaśpiečyć usie susiednija rehijony jakasnym pasadačnym materyjałam. A heta našy dachody, našy hrošy», — adznačyŭ Amieljanovič.
Jon taksama paviedamiŭ, što biełaruskaje pradpryjemstva «Biełdziaržles» raspracoŭvaje prajekty pa lesaŭładkavańni dla rasijskich zakazčykaŭ.
«My zajmajemsia prajektami dla Zabajkalla, Smalenskaj, Naŭharodskaj, Leninhradskaj abłaściej. Nie ŭsio hładka atrymlivajecca i ŭ hetaj pracy. Jość šmat pieraškod, kab my mahli śmieła pracavać na hetym rynku na asnovie tenderaŭ. Pakul my pracujem na subpadradzie, da tenderaŭ nas nie dapuskajuć», — padkreśliŭ kiraŭnik viedamstva.
Ciapier čytajuć
Jak u halečy śpivałasia radnia Łukašenki? Małaviadomyja fakty10
Kamientary