Na vychodnych — daždžy i navalnicy

Daždžy i navalnicy čakajucca ŭ Biełarusi na hetych vychadnych, paviedamiła hałoŭny sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Śviatłana Rybakova. 

«Na hetym tydni ŭ Biełaruś nienadoŭha viarnułasia leta. Ciopłaje nadvorje ŭstalavałasia ŭ druhoj pałavinie tydnia, kali z paŭdniovymi viatrami na terytoryju našaj krainy pačało pastupać vielmi ciopłaje pavietra ź Mižziemnaha mora. Tempieraturny fon pačaŭ pavyšacca, i ŭ dzionny čas u druhoj pałavinie tydnia maksimalnyja tempieratury pierasiahnuli adznaku plus 20—27 hradusaŭ, a dzie-nidzie słupki termomietraŭ nablizilisia da plus 30. Taki tempieraturny fon na 5—9 hradusaŭ vyšejšy za klimatyčnuju normu i bolš charakterny dla siaredziny žniŭnia», — adznačyła sinoptyk.

18 vieraśnia zachavajecca ciopłaje nadvorje. Budzie pieravažna biez apadkaŭ. Tempieratura pavietra nočču składzie 14—20 hradusaŭ ciapła, dniom čakajecca 21—28 hradusaŭ vyšej za nul, pa poŭdni miescami pavietra prahrejecca da plus 30.

«Na žal, u hetyja vychadnyja nadvorje pahoršycca. Atmaśfierny front, jaki pieramieścicca z poŭdnia Polščy, abumović u subotu i niadzielu niaŭstojlivy charaktar nadvorja. Nieba zaciahniecca vobłakami, projduć daždžy, a tempieratura panizicca, ale pa-raniejšamu budzie vyšejšaja za siarednija šmathadovyja značeńni», — rastłumačyła Śviatłana Rybakova.

U subotu, 19 vieraśnia, nočču miescami, a ranicaj i dniom na bolšaj častcy terytoryi Biełarusi projduć karotkačasovyja daždžy, u asobnych rajonach čakajucca navalnicy, mocnyja daždžy. Tempieratura pavietra ŭnačy składzie 11—17 hradusaŭ vyšej za nul, udzień budzie 16—23 hradusy ciapła, pa paŭdniovym uschodzie — plus 24—28 hradusaŭ.

U niadzielu nočču pa paŭdniova-ŭschodniaj pałavinie, dniom na bolšaj častcy terytoryi krainy projduć karotkačasovyja daždžy, u asobnych rajonach mahčymy navalnicy, mocnyja daždžy. Tempieratura pavietra ŭnačy składzie 7—14 hradusaŭ ciapła, pa paŭdniovym uschodzie budzie na niekalki hradusaŭ ciaplej, udzień čakajecca 15—22 hradusy vyšej za nul, pa paŭdniovym uschodzie — plus 23—27.

Na pačatku nastupnaha tydnia nadvorje pačnie palapšacca.

U paniadziełak miescami projduć karotkačasovyja daždžy, mahčymy navalnicy. Tempieratura pavietra nočču składzie 8—15 hradusaŭ ciapła, dniom budzie 15—22 hradusy vyšej za nul, pa paŭdniovym uschodzie pavietra prahrejecca da plus 25.

U aŭtorak, 22 vieraśnia, u asobnych rajonach projduć karotkačasovyja daždžy. Unačy i ranicaj miescami mahčymy tuman. Tempieratura pavietra nočču składzie 6—13 hradusaŭ ciapła, dniom budzie 17—24 hradusy vyšej za nul, pa paŭdniovym uschodzie čakajecca da plus 27 hradusaŭ.

• 0
• 0
• 0
• 0
• 0
• 0
• 0
• 0