Bieł‑čyrvona‑bieły ściah źjaviŭsia kala 9‑j viečara na dachu žyłoha domu, jaki staić na skryžavańni vulic imia hazety «Praŭda» i imia Bahdana Chmialnickaha
.
Bieł‑čyrvona‑bieły ściah źjaviŭsia kala 9‑j viečara na dachu žyłoha domu, jaki staić na skryžavańni vulic imia hazety «Praŭda» i imia Bahdana Chmialnickaha
Kamentujučy źjaŭleńnie čarhovaha ściahu, viciebski apazycyjaner Barys Chamajda nahadaŭ, što ŭ horadzie prachodzić «Bieł‑čyrvona‑bieły maraton» — šerah akcyjaŭ pa vyviešvańni ściahoŭ da sioletnich 90‑ch uhodkaŭ Biełaruskaj Narodnaj Respubliki. Pavodle jahonych słovaŭ, da ściaha, vyviešanaha siońnia, prymacavana cydułka ad lehiendarnaha Mirona nastupnaha źmiestu:
«Honar i pašana aŭtaru vajackaha maršu «My vyjdziem ščylnymi radami» Makara Kraŭcova — spadziajusia, dziaržaŭnaha himnu budučaj Biełarusi. Słava hierojam BNR! Žyvie Biełaruś! Žyvie viečna!»
Ściah łunaŭ nad Viciebskam kala hadziny, bo milicyjanty nie adrazu jaho zaŭvažyli ŭ holli bližejšych dreŭ. Čatyry milicejskija mašyny źjavilisia pa čyimści telefonnym vykliku i kružlali pamiž damami, pakul natrapili na toj, dzie na dachu byŭ prymacavany bieł‑čyrvona‑bieły symbal.
Milicyjanty vyklikali mašynu słužby MNS, ale, nie dačakaŭšysia, sami ŭskaraskalisia na dach pa pažarnaj leśvicy dy skinuli ściah uniz. Jany abšukali bližejšyja dvary, ale niaŭłoŭnaha Mirona im adsačyć nie ŭdałosia.
Kamientary