Zajava zroblena ŭ suviazi z kamentarom byłoha pasła Polščy ŭ Biełarusi Maryjuša Maškieviča nakont «Biełnaftachimu», jaki jon daŭ nn.by.
Dziełavyja stasunki pamiž Vieniesuełaj i Biełaruśsiu nie majuć ničoha ahulnaha z admyvańniem hrošaj, havorycca ŭ raspaŭsiudžanaj 11 sakavika zajavie pasolstva Balivaryjanskaj Respubliki Vieniesueła.
Zajava zroblena ŭ suviazi z kamientaryjem byłoha pasła Polščy ŭ Biełarusi Maryjuša Maškieviča nakont «Biełnaftachimu», jaki jon daŭ nn.by. U pryvatnaści, M. Maškievič vykazaŭ dumku, što kancern chacieli vykarystać jak «dapamožnuju strukturu dla admyvańnia hrošaj» pry prodažy vieniesuelskaj nafty.
«Dla byłoha polskaha pasła pryčynaj dla złaradnaści pasłužyli sankcyi ŭrada Buša [jaki dychaje na ładan], pradpryniatyja ŭ dačynieńni da suvierennaj dziaržavy tolki za toje, što jana nie choča prysłuhoŭvać uładnym ludziam, jakija dziejničajuć šlacham ahresij i sankcyj, šlacham akopvańnia na čužych terytoryjach dla akalcoŭvańnia Rasii, u zapale straści da jaje pryrodnych bahaćciaŭ», — havorycca ŭ zajavie pasolstva Vieniesueły.
Vykazvańni M. Maškieviča, padkreślivajecca ŭ zajavie, źjaŭlajucca «hrubym i biezadkaznym padmanam».
«Nie maje taksama ničoha supolnaha z rečaisnaściu śćviardžeńnie ab isnavańni nibyta padpisanych pahadnieńniaŭ ab «prodažy vieniesuelskaj nafty». Takich niama ŭ pryrodzie», — havorycca ŭ dakumiencie.
Pasolstva «nastojliva raić» M. Maškieviču «dobra papałaskaść rot, pierš čym havaryć ab hodnych prezidentach».
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?1
Kamientary