«Prablema ź mihrantami tak ci inakš zakranie Biełaruś», — ličyć kandydat u prezidenty Siarhiej Hajdukievič. Ab hetym jon zajaviŭ padčas svajho druhoha pieradvybarnaha vystupleńnia pa kanale «Biełaruś-1» 25 vieraśnia.
Pavodle jaho słoŭ, situacyja ź mihrantami ź Siryi i ŭ cełym arabskaha rehijonu abvastryła sacyjalna-palityčnaje stanovišča ŭ Jeŭrasajuzie. «Vidać, nakolki nieabchodna, niahledziačy na intehracyjnyja pracesy, nie razmyvać dziaržaŭnyja miežy i pravodzić svaju nacyjanalnuju palityku», — adznačaje jon.
Hajdukievič ličyć, što častka biežancaŭ pad naciskam akaličnaściaŭ moža nakiravacca na Uschod. «Akramia hetaha, patok mihrantaŭ praź Biełaruś u Jeŭrapiejski Sajuz užo idzie, jon byŭ zaŭsiody. Respublika spraŭlajecca, bo źjaŭlajecca tranzitam dla mihrantaŭ, a moža stać metaj. Tamu ŭ hetym pytańni treba ŭzajemadziejničać z Zachadam, vypracoŭvać stratehiju z ulikam mahčymych kardynalnych źmianieńniaŭ. Nielha dapuścić napłyvu emihrantaŭ u našu krainu», — skazaŭ jon.
Pahroza radykalizacyi mihrantaŭ u Jeŭrapiejskim Sajuzie «staić na paradku dnia» ličyć Hajdukievič. Pry hetym, padkreśliŭ jon, nichto nie moža dać «stopracentnuju harantyju, što ŭ Jeŭropu nie pranikli ci nie praniknuć bajeviki ci spačuvajučyja IDzIŁ abo inšym terarystyčnym arabskim hrupoŭkam».
«Supracoŭnictva pa pytańniach biaśpieki, baraćby z teraryzmam pavinna nabirać abaroty. My adkrytyja dla baraćby z suśvietnym złom. Padtrymlivajem lubuju razumnuju inicyjatyvu, jakaja nie ŭščamlaje intaresy biełaruskaj dziaržaŭnaści», — skazaŭ kandydat u prezidenty.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje13
Kamientary