Apošniaja pradstaŭnica Biełarusi na «Jeŭrabačańni» sprabuje pradać praz aŭkcyjon staryja džynsy
Startavaja cana džynsaŭ Ziny Kupryjanovič — 1555 rubloŭ. Ale kolkaść udzielnikaŭ aŭkcyjonu śpiavačku zasmučaje.
Zina Kupryjanovyč pradstaŭlała Biełaruś na «Jeŭrabačańni» ŭ 2019 hodzie, u finale zaniała pieradapošniaje miesca.
Tak atrymałasia, što mienavita jana stała apošniaj udzielnicaj našaj krainy na samym papularnym muzyčnym konkursie Jeŭropy. Bo ŭ 2020 hodzie «Jeŭrabačańnie» admianili praz karanavirus, a ŭ 2021 hodzie Biełaruś uvohule dyskvalifikavali.
Ciapier artystka vystupaje pad psieŭdanimam Zina Bless. Niadaŭna jana vyrašyła pradać svaje staryja džynsy i arhanizavała aŭkcyjon na svajoj staroncy ŭ instahramie.
Kaža, heta pieršyja i adzinyja džynsy, jakija całkam abšytyja birkami ŭručnuju. Sama śpiavačka nosić adzieńnie pamieru XS, ale hetyja džynsy — L. Kali spatrebicca, džynsy ŭšyjuć pad mierki pakupnicy.
Zina Bless pastaviła startavuju canu — ale ŭ kamientarach čarhi z achvočych nie atrymałasia. Tolki adzin čałaviek — surjozna ci žartujučy — prapanavaŭ 1666 rubloŭ.
Takaja situacyja artystku pakryŭdziła. Jana napisała ŭ storys: «1666 apošniaja cana? Ci ŭ mianie aŭdytoryja biez hrošaj? Ja nie zrazumieła!»
Pieršaja biełaruskaja kaśmičnaja turystka Maryna Vasileŭskaja pradaje svoj ajfon
Minskaj błohiercy nie chapaje na pieršy ŭznos za mašynu. Jana pradaje lubimyja strynhi za tysiaču jeŭra
Biełaruskaja błohierka pradaje butelki koły pa 100 rubloŭ i nie tolki. Za dzień jana zarabiła bolš, čym niekatoryja za paŭhoda
Kamientary