«Małady front» dałučycca da pikieta suprać rasijskaj avijabazy 4 kastryčnika
Sojm Maładoha Frontu padtrymaŭ akcyju suprać raźmiaščeńnia ŭ Biełarusi rasijskaj avijabazy. Jaje sklikajuć Mikoła Statkievič i Uładzimier Niaklajeŭ. Projdzie jana 4 kastryčnika na płoščy Svabody jak sustreča vybarcaŭ.
Vakoł hetych pieradvybarčych pikietaŭ isnuje jurydyčnaja sprečka. Ułady nastojvajuć, kab arhanizatary prasili na praviadzieńnie dazvoł vykankama. Arhanizatary nastojvajuć, što ŭ ramkach vybarčaj kampanii takich dazvołaŭ nie treba.
Raniej ułady praktyčna ŭ sta pracentaŭ vypadkaŭ admaŭlali ŭ dazvołach na šeści, mitynhi ci pikiety ŭ centry stalicy, u parušeńnie nacyjanalnaj Kanstytucyi i zakonaŭ, jakija harantujuć svabodu schodu.
Maładafrontaŭcy prapanoŭvajuć udzielnikam akcyi uziać jak maha bolš bieł-čyrvona-biełych nacyjanalnych biełaruskich ściahoŭ. «Zrobim 4 kastryčnika na płoščy Svabody mora bieł-čyrvona-biełych ściahoŭ!» — kaža Jaŭhien Vaśkovič.
Apazicyja adzinaja ŭ nieprymańni namieru Rasii raźmiaścić u Biełarusi svaje samaloty. «Heta nie prosta niejkaja farmalnaja avijabaza — heta peŭny Rubikon, pierajšoŭšy jaki, nazad viarnucca budzie vielmi składana i kaštavać heta budzie vielmi doraha. My bačym, čym abiarnułasia rasiejskaja marskaja baza ŭ Krymie dla Ukrainy i tym samym moža abiarnucca takaja baza dla Biełarusi», — miarkuje palityk Alaksiej Janukievič.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary