CVK: Samym pratestnym rajonam byŭ Drybinski, a ŭ Naroŭli za Łukašenku prahałasavali 98,4% STATYSTYKA
Centrvybarkam apublikavaŭ aficyjnyja ličby hałasavańnia pa rehijonach Biełarusi. Naziralniki nie dajuć viery hetym ličbam, ale jakija-nijakija zajmalnyja fakty z hetych źviestak možna vyłučyć.
Takim čynam, pavodle padlikaŭ Lidzii Jarmošynaj:
1. Za Taćcianu Karatkievič najbolš aktyŭna hałasavali ŭ Drybinskim (10,4%) i Čavuskim (10%) rajonach. U Hrodnie ličby dasiahajuć 8,5-9,5%.
2. Siarhiej Hajdukievič «pieramoh» u Barysaŭskim i Łuninieckim rajonach, dzie jamu naličyli krychu mienš za 5%. Chaatyčnaść ličbaŭ dobra vidać pa hałasavańni ŭ Viciebsku. U Pieršamajskim rajonie ŭ Hajdukieviča 8,5%, a ŭ susiednim Kastryčnickim — 3,9%. Sacyjałohija nie ŭ stanie rastłumačyć takuju hihanckuju roźnicu.
3. Ličby ŭ padtrymku Ułachoviča jašče bolš sumnyja. Vyklučeńnie - Minski (4,7%) i Barysaŭski (3,6%) rajony. A voś u Brahinskim rajonie lik išoŭ nie na pracenty, a na asoby — za Ułachoviča nibyta padpisalisia ŭsiaho 17 čałaviek.
4. Kandydat «suprać usich» lutavaŭ u Minsku, dzie nabiraŭ až da 22%. U Maładziečanskim rajonie ŭsich adkinuli 9% vybarcaŭ, u astatnich rehijonach ličba składała 0,5-7%.
5. Narešcie, Alaksandr Łukašenka. U Minsku jaho padtrymali 62-70%. U rehijonach u pratakołach byli zusim inšyja ličby. U Naraŭlanskim rajonie za Łukašenku prahałasavali 98,4% vybarcaŭ! A voś adnosna prakacili Łukašenku ŭ Maładziečanskim rajonie — «tolki» 81,3%.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary