Na hetym tydni krychu paciapleje, ale čakajucca daždžy i mokry śnieh
U druhoj pałovie tydnia krychu stanie ciaplej, ale pryjduć apadki. A pakul zachavajecca chałodnaje nadvorje.
Reuters.com
Umovy nadvorja na terytoryi Biełarusi praciahnie vyznačać vobłaść pavyšanaha atmaśfiernaha cisku, sfarmavanaja ŭ paŭnočnych šyrotach. Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U aŭtorak, 13 kastryčnika, pieravažna biez apadkaŭ, tolki pa paŭdniovym zachadzie Bresckaj vobłaści mahčymyja mokry śnieh i doždž. Tempieratura pavietra minimalnaja nočču -4 — +2°S, miescami -5 — -7°S; maksimalnaja dniom 5 — +11°S.
U sieradu i čaćvier, 14 i 15 kastryčnika, hetak ža pieravažna biez apadkaŭ. Tempieratura pavietra minimalnaja nočču -4 — +3°S, pry prajaśnieńniach da -6°S; maksimalnaja dniom 4 — +11°S.
Dalej nadvorje pačnuć vyznačać atmaśfiernyja franty, paŭnočnyja viatry pamianiajucca na paŭdniovyja i ŭ našu krainu nakirujecca bolš ciopłyja, ale vilhotnyja pavietranyja masy, tempieratura krychu pavysicca, asabliva ŭnačy.
U piatnicu, 16 kastryčnika, pieravažna biez apadkaŭ, tolki ranicaj i dniom pa paŭdniova-zachodniaj pałovie Biełarusi čakajucca karotkačasovyja daždžy.
Tempieratura pavietra minimalnaja nočču 0 — +5°S, pa paŭnočna-ŭschodniaj pałovie -1 — -5°S; maksimalnaja dniom ad 5 pa paŭnočnym uschodzie da +12°S pa paŭdniovym zachadzie krainy.
U vychadnyja dni na bolšaj častcy Biełarusi projduć karotkačasovyja daždžy.
Miescami tuman. Tempieratura pavietra minimalnaja nočču 2 + 9°S, pa poŭnačy pry prajaśnieńniach da -2 ° S; maksimalnaja dniom 5 + 12°S, pa poŭdni 13 + 14°S.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2424
Kamientary