Mižnarodnaja kamisija abviaściła pryčynu krušeńnia małajzijskaha Boinha rejsa MH17. Camalot byŭ źbity z kompleksu «Buk», zroblenaha ŭ Rasii, rakietaj, puščanaj z uschodu Ukrainy. Bojehałoŭka ŭzarvałasia źleva ad kabiny piłotaŭ.
Pra heta ŭ aŭtorak, 13 kastryčnika, paviedamlaje AP.
«Heta byŭ «Buk»», — pryvodzić ahienctva słovy svajaka zahinułaha, jaki aznajomiŭsia z tekstam dakładu.
Ź jakoj mienavita terytoryi ŭ Danbasie byli vypuščanyja rakiety, ekśpierty nie paviedamili.
Pavodle jaho słoŭ, kali asnoŭnyja vysnovy dakładu čytaŭ kiraŭnik Rady biaśpieki Hałandyi Tjibie Jostura, u zale była «miortvaja cišynia».
Jak raspaviali svajakam zahinułych, usie tyja, chto znachodzilisia na rejsie MH17, imhnienna zhubili prytomnaść. Taksama ŭ dakładzie nie paviedamlajecca pra miesca pusku rakiety.
Krynica ŭ Mižnarodnaj kamisii raśpiaviała «Novoj hazietie», što, zhodna z dakładam, Boinh źbili rakietaj z «Buka» sieryi 9M38 z bajavoj častkaj 9M314M.
Surazmoŭca raspaviała vydańniu, što padčas prezientacyi dakładu nie budzie skazana, chto nacisnuŭ na knopku i adkul byŭ zrobleny zapusk.
Animavanaje videa
Małajzijski «Boinh-777», jaki vylacieŭ z Amsterdama ŭ Kuała-Łumpur, raźbiŭsia ŭ Danieckaj vobłaści Ukrainy 17 lipienia 2014 hoda ŭ razhar bajoŭ pamiž ukrainskimi vajskoŭcami i sieparatystami z «narodnych respublik».
Tady zahinuli ŭsie, chto byŭ na borcie: 283 pasažyry i 15 členaŭ ekipaža.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina9
Kamientary