Міжнародная камісія абвясціла прычыну крушэння малайзійскага Боінга рэйса MH17. Cамалёт быў збіты з комплексу «Бук», зробленага ў Расіі, ракетай, пушчанай з усходу Украіны. Боегалоўка ўзарвалася злева ад кабіны пілотаў.
Пра гэта ў аўторак, 13 кастрычніка, паведамляе AP.
«Гэта быў «Бук»», — прыводзіць агенцтва словы сваяка загінулага, які азнаёміўся з тэкстам дакладу.
З якой менавіта тэрыторыі ў Данбасе былі выпушчаныя ракеты, эксперты не паведамілі.
Паводле яго слоў, калі асноўныя высновы дакладу чытаў кіраўнік Рады бяспекі Галандыі Тйібе Ёстура, у зале была «мёртвая цішыня».
Як распавялі сваякам загінулых, усе тыя, хто знаходзіліся на рэйсе MH17, імгненна згубілі прытомнасць. Таксама ў дакладзе не паведамляецца пра месца пуску ракеты.
Крыніца ў Міжнароднай камісіі распявяла «Новой газете», што, згодна з дакладам, Боінг збілі ракетай з «Бука» серыі 9М38 з баявой часткай 9М314М.
Суразмоўца распавяла выданню, што падчас прэзентацыі дакладу не будзе сказана, хто націснуў на кнопку і адкуль быў зроблены запуск.
Анімаванае відэа
Малайзійскі «Боінг-777», які выляцеў з Амстэрдама ў Куала-Лумпур, разбіўся ў Данецкай вобласці Украіны 17 ліпеня 2014 года ў разгар баёў паміж украінскімі вайскоўцамі і сепаратыстамі з «народных рэспублік».
Тады загінулі ўсе, хто быў на борце: 283 пасажыры і 15 членаў экіпажа.
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП17
Каментары