Pytańnie pavyšeńnia piensijnaha ŭzrostu ŭ Biełarusi budzie vyrašacca tolki z ulikam mierkavańnia ludziej, zajaviŭ Alaksandr Łukašenka siońnia na naradzie pa aktualnych pytańniach raźvićcia krainy.
Pavodle słoŭ kiraŭnika dziaržavy, niekatoryja prapanujuć ciapier pryniać rašeńnie nakont piensijnaha ŭzrostu. Jon ličyć, što ludzi sami pavinny vyznačycca, ci nieabchodna ŭ bližejšy čas unosić takija źmianieńni.
«Ja pra heta havaryŭ jašče ŭ pieradvybarny pieryjad, što piensijny ŭzrost daviadziecca pavyšać. Nam treba jaho pavyšać, ale ludzi hetaha nie chočuć. Tamu ŭ nas u krainie nievialikija piensii. My siońnia majem toj piensijny fond, jaki majem», — padkreśliŭ Łukašenka.
Na jaho dumku, u lubym vypadku pytańnie pavyšeńnia piensijnaha ŭzrostu moža «vyrašacca praź ludziej». «My pavinny paraicca ź imi, budziem ich pierakonvać, prasić ich zhody», — skazaŭ Alaksandr Łukašenka. «My paprosim u ich padtrymki, — skazaŭ jon. — Pahodziacca — praviadziom źmianieńni. Nie — značyć, nie».
«My ŭsiudy pišam — dziaržava dla naroda. Dyk davajcie słuchać narod», — reziumavaŭ kiraŭnik dziaržavy.
Kamientary