Zaŭtra 6 listapada adbudziecca adkryćcio rehularnaha ruchu ciahnikoŭ haradskich linij na ŭčastku Minsk — Smalavičy, paviedamlaje pres-słužba BČ.
6 listapada ciahniki haradskich linij zrobiać u napramku Minsk — Smalavičy dva rejsy. Pieršy ciahnik adpravicca sa stancyi Minsk-Pasažyrski ŭ 13.10.
Z 7 listapada ciahniki haradskich linij buduć štodnia ździajśniać 3 rejsy ź Minska ŭ Smalavičy (čas adpraŭleńnia — 07.57, 13.10 i 18.18) i 4 rejsy — sa Smalavičaŭ u Minsk.
Z horada-spadarožnika pieršy ciahnik haradskich linij budzie adpraŭlacca ŭ 06.18 i prybyvać u stalicu ŭ 06.59. Takim čynam, hety vid transpartu budzie zručnym dla tych, chto štodnia jeździć sa Smalavičaŭ na pracu ŭ stalicu havorycca ŭ paviedamleńni
Ciahniki haradskich linij buduć pieraadolvać adlehłaść ad stalicy da Smalavičaŭ za 41 chvilinu, robiačy ŭ šlachu 6 prypynkaŭ — na stancyi Minsk-Uschodni, prypynačnym punkcie Traktarny, stancyjach Ściapianka, Aziaryšča, Kałodziščy, Haradzišča.
Kamientary