Niekalki dziasiatkaŭ tysiač čałaviek pryniali ŭdzieł u antyŭradavaj akcyi ŭ stalicy Paŭdniovaj Karei, arhanizavanaj prafsajuzami i pravaabarončymi hrupami.
Demanstranty vystupajuć suprać pracoŭnych i sielskahaspadarčych reformaŭ paŭdniovakarejskaha ŭrada, a taksama suprać uviadzieńnia novych adzinych padručnikaŭ historyi z 2017 hoda.
Udzielniki akcyi prajšli pa hałoŭnaj vulicy Sieuła, uzdoŭž jakoj vystrailisia narady palicyi. U niekatorych rajonach adbylisia sutyknieńni pratestujučych z vartavymi paradku, adnak infarmacyi ab paciarpiełych nie pastupała.
Paŭdniovakarejskija prafsajuzy, u pryvatnaści, niezadavolenyja sprobami ŭładaŭ źmianić pracoŭnaje zakanadaŭstva krainy, kab palehčyć dla kampanij praces zvalnieńnia rabotnikaŭ.
Mnohija taksama aścierahajucca, što ŭ novych dziaržaŭnych padručnikach historyi, jakija chutka pavinny być uviedzienyja ŭ škołach, buduć sproby abialić dyktatarskija režymy ŭ Karei.
Miascovyja ŚMI paviedamlajuć, što havorka idzie pra najbujniejšuju pratestnuju akcyju ŭ Sieule z 2008 hoda.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary