15 listapada pry dapamozie avijacyi Ministrestva pa nadzvyčajnych situacyjach va Ušačach ustalavali pomnik na mahile narodnaha paeta Biełarusi Ryhora Baradulina.
Jašče ŭ 1995 hodzie ŭ vieršy «Prašeńnie» Baradulin napisaŭ pra toje, kab na jaho mahile zamiest pomnikaŭ byŭ ustalavany vałun z kryžom. Pra toje žadańnie jon iznoŭ zhadaŭ u intervju žurnalistu Siarhieju Šapranu ŭ 2011 hodzie.
U lipieni 2015-ha ŭ vioscy Kubličy, dzie ŭ miascovaj škole navučaŭsia Vasil Bykaŭ, znajšoŭsia nieabchodny vałun.
Vykankam dapamoh jaho pieravieźci. Va Ušačach vydzielili placoŭku i stvaryli ŭsie ŭmovy dla pracy skulptara Ihara Zasimoviča.
Blizkija paeta vyrašyli, što na tym kamieni musić być Jeŭfrasińnieŭski kryž, bo sam Baradulin padkreślivaŭ svajo pachodžańnie z Połaččyny.
Ale jak ustalavać vałun, jaki važyć 2,5 tony, na mahiłu? Baradulin lažyć u centry mohiłak. Mašyna tudy nie padjedzie.
Staršynia Ušackaha rajvykankama Viktar Rodzič i Sajuz biełaruskich piśmieńnikaŭ nakiravali prośbu na imia kiraŭnika MNS Uładzimira Vaščanki. Toj i daručyŭ kiraŭniku avijacyi Alehu Jakaŭlevu dapamahčy ŭ vialikaj spravie.
Viertalot MI-8 vylecieŭ ź minskaha aeradroma MNS u paniadziełak udzień i praz paŭhadziny ŭžo pryziamliŭsia va Ušačach. Da hetaha momantu dva dziasiatki miascovych žycharoŭ padrychtavali padmurak dla pomnika — pa łancuhu pieradali rukami 800 viodzier z cemientam.
Vałun padniali viertalotam i składanym viražom apuścili pamiž drevami. Na vałunie mieścicca tolki adzin nadpis «Ryhor Baradulin. Syn. 1935—2014».
U 1995 h. Ryhor Baradulin napisaŭ vierš «Prašeńnie»
Kali ja adydu, pastaŭcie mnie
Vałun sivy i kryž na vałunie.
Zaśviedčyć kryž,
Što adyšoŭ ź imšoj
Pahaniec kščony,
Unijat dušoj.
Krumkač, jak čorny płač,
Na vałunie
Spačnie, i značyć,
Pamianie mianie.
I stryž, jak kryž zdranćvieły,
Pramilhnie,
Cień studziačy ŭ trunie
Na samym dnie.
Kali ja zamaŭču, pastaŭcie mnie
Vałun sivy i kryž na vałunie…
-
«Kali ty znachodzišsia sam-nasam z saboj, chočacca raspłakacca, uspaminajučy ŭsio». Iryna Ščasnaja pra žyćcio na voli i vałanciorstva va Ukrainie
-
Pradprymalnik, źviazany z atačeńniem Łukašenki, vałodaje adnym z samych darahich restaranaŭ u Vilni i hatelem u Trokach
-
Daškievič čakaje ad Babaryki i Kaleśnikavaj publičnaha pryznańnia pamyłak
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić10
Kamientary