Ukrainskaja vajennasłužačaja Nadzieja Saŭčanka, jakaja ŭtrymlivajecca pad vartaj u Rasii, pieradała biełaruskaj piśmieńnicy, łaŭreatu Nobieleŭskaj premii pa litaratury Śviatłanie Aleksijevič svaju knihu «Mocnaje imia Nadzieja», paviedamlaje pasolstva Ukrainy ŭ Biełarusi na svajoj aficyjnaj staroncy ŭ sacyjalnaj sietcy Facebook.
Dypłamaty pieradali Aleksijevič hetu knihu 20 listapada, napiaredadni druhoj hadaviny «Revalucyi hodnaści» — maštabnych pratestaŭ va Ukrainie, jakija pryviali da ŭciokaŭ Viktara Janukoviča, jaki byŭ u toj čas prezidentam krainy, i pieramienie ŭłady.
U znak pavahi da tvorčaści Śviatłany Aleksijevič i padziaki za padtrymku Saŭčanka padpisała asobnik svajoj knihi słovami: «Lubić svoj narod, svaju Radzimu, ludziej i zastavacca čałaviekam!». «Mienavita heta, pavodle mierkavańnia Nadziei, abjadnoŭvaje ŭkrainku i biełarusku, dźviuch mocnych ducham žančyn», — havorycca ŭ paviedamleńni pasolstva.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary